غزه ده اسرائیل حربی کوچلری و حماس گروهی آره‌سیده اوروش دوام ایتماقده ایکن، اوروش طفیلی قربان‌لر رقمی ۱۹ مینگ ۶۶۷ کیشی گه ییتگن.
فلسطین ساغلیق‌نی سقلش وزیرلیگی نینگ معلوماتی اساسیده، غزه ده اسرائیل نینگ ییر و هوا هجوم‌لری عاقبتیده حاضرگچه ۱۹ مینگ ۶۶۷ کیشی هلاک بولیب و باشقه ۵۲ مینگ ۵۸۶ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
۷-اکتوبردن بیری، غزه ده اسرائیل حربی کوچلری نینگ ییر و هوا هجوم‌لریده قربان بولگنلر نینگ ۷۰ فایزی، عیاللر و باله‌لر دییلگن.
عین‌حالده، بیرلشگن ملت‌لر تشکیلاتی غزه ده اسرائیل حربی کوچلری نینگ هجوم‌لری عاقبتیده کوپ سانده باله‌لر نینگ هلاک بولیشی گه اشاره قیلیب، بو منطقه باله‌لر اوچون خوفلی منطقه بولیب و تیزلیک بیلن آتش کیسین برقرار ایتیلیشینی سوره‌گن.
اسرائیل غزه جنوبی ده هجوم‌لری گه دوام بیرماقده ایکن، اوشبو مملکت کوچلری دوشنبه کیچه، ۲۷-قوس، غزه شمالی ده‌گی فعال کسلخانه‌نی نشانگه آلگن.
بیزلرنینگ «ایکس» ترماغی ده هم تعقیب قیلینگ!
اسوشیتدپرس آژانسی، اوشبو کسلخانه رسمی‌لریدن نقل قیلیب یازیشیچه، اسرائیل کوچلری بو کسلخانه دیواری نینگ بیر قسمینی بوزیب و کوپ سانده خادم‌لرینی حبس گه آلگن.
ایتیش کیره‌ک، بوندن آلدین فلسطین ساغلیق‌نی سقلش وزیرلیگی، غزه ده‌گی ۳۶ کسلخانه دن یالغیز سکیز ته‌سی یریم فعال دیر و مراجعتچیلر سانی حددن تشقری دیگن ایدی.
