فلسطین ساغلیق‌نی سقلش رسمی‌لری‌نینگ اعلام قیلیشلریچه، اسرائیل‌نینگ غره گه اویوشتیرگن هجومی نتیجه‌سیده، کمیده ۲۰ کیشی قربان بولیب و اونلب کیشی ایسه یره‌لنگن.
مذکور کیشیلر بوگون اسرائیل اردوسی‌نینگ نوار غزه جنوبی، خان‌یونس شهری‌ده جایلشگن «المواسی» منطقه‌سیگه اویوشتیرگن هجومی عاقبتیده، قربان بولگن.
بیزلرنینگ «ایکس» ترماغی ده هم تعقیب قیلینگ!
اسرائیل‌نینگ المواسی منطقه‌سیگه اویوشتیرگن هجومی نتیجه‌سیده قربان بولگنلر آره‌سیده، باله‌لر و عیاللر هم شامل دیر.
اسرائیل اردوسی بیر بیانیه آرقه‌لی اعلام قیلیشیچه، المواسی منطقه‌سیگه اویوشتیرگن هوایی هجوم‌ده، حماس‌نینگ بیر اعضاسی‌نی نشان گه آلگن.
بیزلرنینگ فیسبوک صحیفه‌میزگه باش اورینگ!
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل و حماس آره‌سیده توقنشوولر باشلنگنی‌دن بویان، فلسطین‌لیک ۴۴ مینگ ۵۳۲ کیشی قربان بولیب و باشقه ۱۰۵ مینگ ۵۳۸ کیشی یره‌لنگن. شونینگدیک بو مدت‌ده، غزه ده‌گی توقنشوولرده ۷۰۰دن آرتیق اسرائیل عسکری هلاک بولگن.
