حماس و اسرائیل، بوگون (چهارشنبه، ۱-قوس)، گرو گه آلینگنلر قوییب یوباریلیشی و غزه گه انسان پرورلیک یاردم‌لر ییتکیزیب بیریلیشی اوچون تورت کون‌لیک آتیش کیسین برقرار ایتیلیش گه کیلیشگنلر.
معلومات‌لر گه بناً، عیاللر و باله‌لر شامل فلسطین‌لیک ۱۵۰ محبوس، حماس تامانیدن گروگه آلینگن ۵۰ کیشی بیلن المشتیریلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
اسرائیل باش وزیری بنیامین نتانیاهو بیر بیانیه ترقه‌تیب، اوشبو تورت کون‌لیک آتش کیسین ده حماس تامانیدن گروگه آلینگن ۵۰ عیال و باله‌لر قوییب یوباریلیب و توقنشوو بولمسلیگینی ایتگن.
اسرائیل باش وزیری اوز بیانیه‌سیده، بو گرو گه آلینگنلر فلسطین‌لیک محبوس‌لر بیلن المشتیریلیشی حقیده ایضاح کیریتمه‌گن.
حماس گه کوره، ایکی تامانلمه آتش کیسین برقرار ایتیلیشی بیلن غزه گه طبی اوسکونه و یاقیلغی ماده‌لر شامل انسان پرورلیک یاردم‌لر ییتکیزیب بیریلیشی ممکن.
حماس نینگ کوپه‌یتیریشیچه، اسرائیل دولتی تورت کون‌لیک آتش کیسین ده، غزه نینگ هیچ نقطه‌سینی نشانگه آلمه‌ی و هیچ کیمگه ضرر ییتکیزمسلیک وعده‌سینی بیرگن.
بیزلرنینگ «ایکس» ترماغی ده هم تعقیب قیلینگ!
حماس بوندن آلدین، گروگه آلینگن تورت کیشینی قوییب یوبارگن ایدی.
ایکی تامان قطر حکومتی نینگ واسطه‌چیلیگی بیلن هفته‌لر مذاکره دن کیین، آتش کیسین برقرار ایتیلیش گه کیلیشگنلر.
ایتیش کیره‌ک، غزه ده اسرائیل نینگ ییر و هوایی هجوم‌لری عاقبتیده باله‌لر و عیاللر شامل فلسطین‌لیک ۱۴ مینگ ۱۰۰ کیشی قربان بولگن.