اسرائیل و حماس آره‌سیده قریب ییتی هفته آتیشمه‌دن کیین، ایکی تامان آره‌سیده تورت کون‌لیک آتیش کیسین باشلندی.
الجزیره خبری ترماغی نینگ گزارشی گه کوره، اوشبو آتیش کیسین بوگون (جمعه، ۲۴-نوامبر)، ایرتنگ چاغی محلی وقت بیلن ساعت ۰۷:۰۰دن باشلنگن.
گزارش اساسیده، آتیش کیسین باشلنگنی‌دن حاضرگچه، ایکی تامان‌‌دن بمباردمان و موشکی هجوم‌لری حقیده هیچ بیر گزارش ترقه‌تیلمه‌گن.
بیزلرنینگ فیسبوک صحیفه‌میزگه باش اورینگ!
الجزیره گزارشی‌ده کیلیشیچه، اسرائیل قماق‌خانه‌لریده‌گی ۱۵۰ فلسطین‌لیک اسیر و غزه ده حماس گروهی آرقه‌لی ۱۵۰ اسرائیل اسیری نینگ قوییب یوباریلیشی گه قرار آلینگن.
گزرش‌ده گه کوره، بوگون توش‌دن کیین ۳۹ فلسطین‌لیک اسیر و ۱۳ اسرائیل اسیری نینگ قوییب یوباریلیشی ممکن.
کیلیشوو اساسیده، غزه گه سوو، آزیق-آوقت و دارو کبی نیاز بولگن عاجل یاردم نینگ یوباریلیشی خصوصیده رخصت بیریلیب و شونینگدیک باش‌ده اسیر آلینگنلر جمله‌دن کیکسه عیال‌لر و ۱۹ یاش قویی باله‌لر نینگ، توش‌دن کیین ساعت ۰۴:۰۰ ده قوییب یوباریشی گه قرار آلینگن.
مصر دولتی نینگ اعلام قیلیشیچه، تورت کون آتیش کیسین جریانیده، کونده ۱۳۰ مینگ لیتر دیزل، تورت کامیون گاز و شونینگدیک ۲۰۰ کامیون انسان‌پرورلیک یاردم‌لر نینگ غزه گه باریشی ممکن. شونینگدیک رفح قتناو یولی‌دن یاقیلغی ماده‌لر و گاز یوکلنگن کامیون‌لر نینگ اوتیب-قیلیشی خصوصیده گزارش‌لر ترقه‌لگن.
الجزیره خبری ترماغی آرقه لی ارائه بولگن معلومات‌لر اساسیده، قطر دولتی احتمالی نقض اوچون اوشبو آتیش کیسین نی، جدی شکلده تعقیب قیلیشی ممکن.
آتیشمه‌لر باشلنگنی‌دن بیری بیرینچی آتیش کیسین شونده‌ی بیرحالده باشلنگن که، اسرائیل کوچلری ۲.۳ میلیون جمعیت بیلن غزه شهری نی محاصره قیلگن.
بیزلرنینگ «ایکس» ترماغی ده هم تعقیب قیلینگ!
فلسطین‌لیک رسمی‌لری گه کوره، غزه گه اسرائیل هجوم‌لری باشلنگنی‌دن بیری، ۱۴۱۰۰ کیشی اولگن که، قریب ۴۰ فایزی باله‌لر ایکن و شونینگدیک مینگ‌لب کیشی یره‌لنگن.
بوندن آلدین، بیرلشگن ملت‌لر تشکیلاتی ۱.۷ میلیون فلسطین‌لیک نینگ اوی‌لری نی ترک قیلیش گه مجبور بولگنلری نی اعلام قیلگن ایدی. شونینگدیک اسرائیل گه حماس هجوم‌لری نتیجه‌سیده، مذکور مملکت نینگ ۱۲۰۰ یشاوچیسی اولگن دیر.