اسرائیل نینگ غزه ده‌گی بیر مسجد گه اویوشتیرگن هوایی هجومی عاقبتیده، کمیده ۲۱ کیشی قربان بولیب و اونلب کیشی یره‌لنگن.
الجزیره خبری ترماغی نینگ گزارش بیریشیچه، اسرائیل اردوسی بوگون (یک‌شنبه، ۱۵-میزان)، نوار غزه مرکزیده جایلشگن بیر مسجدنی نشان گه آلگن.
بیزلرنینگ فیسبوک صحیفه‌میزگه باش اورینگ!
الجزیره نینگ کوپه‌یتیریشیچه، بو مسجد فلسطین‌لیک آواره‌لر نینگ حیات کیچیریشی اوچون بولگن جای گه اوزگرگن ایکن.
اسرائیل اردوسی بیر بیانیه آرقه‌لی اعلام قیلیشیچه، اوتمیش‌ده مسجد صفتیده قوللنیله‌دیگن حماس قوماندانلیگی مرکزی گه انیق بیر هجوم اویوشتیریلگن.
بیزلرنینگ «ایکس» ترماغی ده هم تعقیب قیلینگ!
حماس و اسرائیل اورته‌سیده توقنشوولر باشلنگنی‌دن بیر ییل اوتگن و بو مدت‌ده غزه ده آتیش کیسین برقرار ایتیلیشی اوچون خلق‌ارا ایسته‌کلر و سعی‌وحرکتلر نتیجه‌سیز بولگن.
فلسطین ساغلیق‌نی سقلش وزیرلیگی آرقه‌لی ارائه بولگن معلومات اساسیده، اسرائیل نینگ غزه گه هجوملری باشلنگنی‌دن بویان ۴۱ مینگ‌دن آرتیق کیشی قربان بولیب و ۹۶ مینگ ۹۱۰ کیشی یره‌لنگن.
