اسرائیل غزه گه هجوملرینی قیته باشله‌گچ و بو هجوملر طفیلی قربانلر رقمی ۴۰۰ دن آشیب و مذکور منطقه وضعیتی گه دایر تشویش‌لر کوچه‌یگن بیرحالده، اوشبو هجوملر خلق‌ارا مناسبت‌لر گه سبب بولگن، بیرقطار مملکتلر و انسان حقلری نهادلری غزه‌ده تیزلیک بیلن آتیش کېسین برقرار اېتیلیشینی سوره‌گنلر.
بیرلشگن ملتلر تشکیلاتی غزه‌ده انسانی بحران کوچه‌یشی حقیده آگاه‌لنتیریب و تیزلیک بیلن بو توقنشوولر گه چېک قوییلیشینی سوره‌گن.
مذکور تشکیلات باش کاتبی آنتونیو گوترش، اسرائیل‌نینگ غزه گه هوا هجوملریگه مناسبت بیلدیریب ایتیشیچه: «مین اسرائیل‌نینگ غزه گه هجوملری‌دن غضب‌ده من. تیزلیک بیلن آتیش کېسین برقرار اېتیلیشی، انسان سیورلیک یاردملر یېتکزیب بیریلیشی و قالگن گروگه آلینگنلر قوییب یوباریلیش طرفداری من.»
خلق‌ارا و یقین شرق ایش بیلرمانلریدن بیرقطاری‌نینگ ایتیشلریچه، بیرلشگن ملتلر تشکیلاتی امنیت کینگشی دنیا بویلب صلح و ثبات برقرار ایتیلیشی‌ده مسئولیتلی دیر؛ بیراق بو کینگش بوتوغریده ییترلیچه دقت قیلمه‌گن.
بیزلرنینگ فیسبوک صحیفه‌میزگه باش اورینگ!
یقین شرق ایش بیلرمانلریدن محمدفایق هشام گه کوره: «امنیت کینگشی‌ده بویوک قدرت‌لر ترکیبی گه قره‌گنده، جمله‌دن امریکا، فرانسه و بریتانیا که اسرائیل‌نی قۉللب-قوتله‌ماقده‌لر، کوپینچه موردلرده غزه حقیده‌گی قطع‌نامه‌لرنی تصدیقلش گه اولگوره آلمه‌گن.»
ایران، عراق، بریتانیا، فرانسه و سعودی عربستان هم، غزه‌ده تینچ اهالی اولدیریلیشینی قاره‌لب و توقنشوولر گه چېک قوییلیشینی سوره‌گنلر.
غزه‌ده تینچ اهالی تلفاتی کېنگ کولملی مناسبت‌لر گه روپه‌ره بولگن بیرحالده، اسرائیل باش وزیری بنیامین نتانیاهو، غزه گه هجوملرینی قیته باشله‌گنینی بیلدیرگن. اونینگ کوپه‌یتیریشیچه، تینچ اهالی تلفاتی حماس‌نینگ زمه‌سیگه دیر.
باشقه تاماندن، اسرائیل‌نینگ غزه گه هجوملری قیته باشلنگچ منطقه‌ده کېسکین‌لیک‌لر کوچه‌یگن. یمن حوثی‌لری اسرائیل‌نینگ هوا قونالغه‌سینی راکته بیلن نشانگه آلگنلرینی اعلام قیلگنلر.
بیزلرنینگ «ایکس» ترماغی ده هم تعقیب قیلینگ!
یمن حوثی‌لری سۉزلاوچیسی یحیا سریع، اسرائیل‌نینگ غزه گه هجوملری دوام قیلگن حالده، بو مملکت گه قرشی هجوملرینی دوام بیریش حقیده آگاه‌لنتیرگن.
خلق‌ارا مناسبت‌لر بیلرمانی مطیع‌الله آرین‌پور، توقنشوولر دوامی بیلن بحران کوچه‌یشی و قربانلر رقمی آشیش خوفی بارلیگینی معلوم قیله‌دی.
اونینگ کوپه‌یتیریشیچه: «احوال شونده‌ی دوام قیلگن حالده، غزه‌ده تلفات رقمی کوپه‌یشی ممکن. اسرائیل هجوملرینی قیته باشله‌گن و مقصدی بو منطقه‌ده حماس‌نینگ سیاسی کېله‌جگینی یوق قیلیش دیر.»
میلادی ۲۰۲۵-ییل، ۱- مارچ‌ده حماس و اسرائیل اورته‌سیده آتیش کېسین دستلبکی باسقیچی یکونلنیشی‌دن کېین، بو آتیش کېسین ایکّینچی باسقیچی برقرار اېتیلیشی اوچون سعی-حرکت بولماقده اېدی؛ بیراق سۉنگی اوچ هفته‌ده‌گی مذاکره‌لر نتیجه بیرمه‌گن.
امریکا، دستلبکی آتیش کېسین اوشه شرایطی بیلن اوشبو ییل ۱۵-اپریل گه قدر اوزه‌یتیریلیب و اسرائیل‌لیک گروگه آلینگنلر و فلسطین‌لیک محبوس‌لر المشتیریلیشینی تکلیف قیلگندی؛ بیراق بو تکلیف حماس تامانیدن رد اېتیلدی.
