خلقارا ییتکرمهلرنینگ گزارش بیریشیچه، نوار غزه بویلب اسرائیل اردوسینینگ اویوشتیرگن ینگی هجوملریده، کمیده ۸۲ فلسطینلیک قربان بولگن.
الجزیرهنینگ گزارش بیریشیچه، مذکور کیشیلر اسرائیلنینگ ۳۰-جوزا، جمعه کونی اویوشتیرگن هجوملری نتیجهسیده قربان بولیب و قربانیلر آرهسیده، انسانسیورلیک یاردم آلووچی کیشیلر هم شامل دیر.
بیزلرنینگ فیسبوک صحیفهمیزگه باش اورینگ!
فلسطینلیکلردن ۳۷ تهسی نوار غزه مرکزیده قربان بولگن که اولردن ۲۳ تهسی، یاردم قولگه کیلتیریش مقصد کوتیب تورگنلری چاغیده، اسرائیل کوچلری تامانیدن اوققه توتیلیب و اولدیریلگن و شونینگدیک باشقه نیچه کیشی ایسه یرهلنگن.
شونینگدیک غزه شهریده ۲۳ کیشی و نوار غزه جنوبیده ۲۲ فلسطینلیک قربان بولگن که اولردن ۱۱ تهسی یاردم آلهدیگن کیشیلر ایکن.
۲۷-می ده غزه انسان سیورلیک جمغرمهسی (GHF)، تامانیدن آزیق-آوقت ترقهتیلیشی باشلنگنیدن بویان، یاردم بیریلیش مرکزلری یقینیگه ییغیلگن فلسطینلیکلرگه اسرائیل کوچلرینینگ هجوم قیلگنی، یوزلب کیشینینگ اولیمیگه سبب بولگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی، اسرائیل و امریکا حمایتی بیلن یاردم بیریش مسئولی بولگن بو نهاددن، غزه ده یاردملرنی ییتکزیب بیریشده امنیت تامینلنیشی توغریسیدهگی «موفقیتسیزلیک» سبب تنقید قیلگن.
فلسطین ساغلیقنی سقلش وزیرلیگینینگ معلوماتی اساسیده، غزه انسان سیورلیک جمغرمهسی تامانیدن یاردم بیریش باشلنگنیدن حاضرگچه، ۴۰۹ کیشی قربان بولیب و اوچ مینگ ۲۰۳ کیشی یرهلنگن.
