غزه ده ساغلیقنی سقلش رسمیلری، نوار غزهنینگ بیر قطار بولیملریگه اسرائیل آرقهلی اویوشتیریلگن هجوملر نتیجهسیده، کمیده ۷۲ کیشی اولیب و اونلب کیشی یرهلنگنینی معلوم قیلگن.
الجزیرهنینگ گزارش بیریشیچه، مذکور کیشیلر اوتگن کونی غزهنینگ بیر قطار بولیملریگه اسرائیل اردوسینینگ اویوشتیرگن هجوملریده اولیب و یرهلنگنلر.
گزارش اساسیده، بو کیشیلردن ۳۵ تهسی غزه شهریگه اسرائیل اردوسی آرقهلی اویوشتیریلگن هجوملرده قربان بولگنلر.
بو بیلن بیرگه، انسانسیورلیک و بشری حقوق تشکیلاتلری، غزه شهریدن بیر میلیون کیشینینگ جبری شکلده چیقیشلری توغریسیدهگی اسرائیل بویروغیدن خواطر بیلدیرگن.
حماس و اسرائیل آرهسیده اوروش باشلنگنیدن قریب ایکی ییل اوتیب و فلسطین ساغلیقنی سقلش وزیرلیگیگه کوره، بو مدتده ۶۴ مینگ ۶۰۰دن آرتیق فلسطینلیک قربان بولیب و ۱۶۳ مینگ ۵۰۰ دن آرتیق کیشی یرهلنگن. شونینگدیک اوشبو مدتده بیر مینگ ۱۳۹ اسرائیللیک هلاک بولگن.
