اسرائیل اردوسی تامانیدن خان‌یونس منطقه‌لریدن بیرقطاری تینچ اهالی دن بوشه‌تیلیش بویروغیدن سۉنگ، بو مملکت حربی کوچلری تانک‌لری بیلن غزه جنوبی حدودلری خان‌یونس منطقه‌سیگه تانک‌لری بیلن باستیریب کېریب و بو منطقه نی بمباردمان قیلگنلر.
رویترز آژانسی، بو هجوم ۱-اسد، دوشنبه کونی خانس‌یونس نینگ شرقی حدودلری «بنی‌سهیلا» و باشقه بیرقطار شهرلریده اۉیوشتیریلگنینی معلوم قیلگن. معلومات‌لر اساسیده، اوشبو هجوملر عاقبتیده چمه‌سی ۷۰ کیشی هلاک بولیب و باشقه ۲۰۰ دن آرتیق کیشی یره‌لنگن.
بیزلرنینگ فیسبوک صحیفه‌میزگه باش اورینگ!
اوشبو منطقه‌لر اهالیسی نینگ رویترز گه ایتیشلریچه، اسرائیل اردوسی نینگ تانک‌لری ایکّی کیلومتردن کوپراق بنی‌سهیلا شهری گه یقینلشیب و اولرنی اوی-جایلرینی ترک اېتیش گه مجبور قیلگن.
غزه ساغلیق‌نی سقلش وزیرلیگی بیر بیانیه ترقه‌تیب، اسرائیل نینگ خان‌یونس گه ینگی هجوملری عاقبتیده اونلب عیال و باله قربان بولگنینی معلوم قیلگن.
اسرائیل اردوسی، خان‌یونس نینگ شرقی حدودلریده فلسطین شبه‌نظامی‌‌لر نینگ فعالیتی و حضوری باره‌سیده اطلاعات تاپگنیدن سۉنگ تینچ اهالی گه بو منطقه نی بوشه‌تیش بویرغینی بیرگن.
بیزلرنینگ «ایکس» ترماغی ده هم تعقیب قیلینگ!
فلسطین رسمی‌لری تامانیدن ترقه‌لگن معلومات‌لر اساسیده، اۉتگن کون اسرائیل تانک‌لری تامانیدن نشانگه آلینگن منطقه‌لرده قریب ۴۰۰ مینگ کیشی یشه‌یدی.
حماس و اسرائیل اۉرته‌سیده اوروش باشلنگنیدن حاضرگه قدر عیاللر و باله‌لر شامل ۳۹ مینگ دن آرتیق کیشی قربان بولیب و باشقه ۸۹ مینگ دن آرتیق کیشی یره‌لنگن.