اسرائیل دولتی غزه‌ده آتیش کېسین برقرار اېتیلیشی و گروگه آلینگنلر قوییب یوباریلیش لایحه‌سینی تصدیقله‌گن.
خلق‌ارا یېتکرمه‌لرنینگ معلوماتی اساسیده، ۲۸-جدی، جمعه کونی اسرائیل دولتی غزه‌ده آتیش کېسین برقرار اېتیلیش و گروگه آلینگنلر قوییب یوباریلیش لایحه‌سینی تصدیقله‌گن و بو لایحه اېرته آتیش کېسین بیرینچی باسقیچی عملگه آشیریلیش امکانیتینی یره ته‌دی.
معلومات‌لر گه کوره، اسرائیل دولتی غزه‌ده آتیش کېسین برقرار اېتیلیش لایحه‌نی تصدیقله‌گن بولسه‌ده، غزه‌نینگ تورلی حدودلریده هوا هجوملری گه دوام بیرماقده.
بیزلرنینگ فیسبوک صحیفه‌میزگه باش اورینگ!
اسرائیل غزه‌ده آتیش کېسین برقرار اېتیلیش کېلیشوونینگ دستلبکی باسقیچیده بیرمینگ ۷۰۰ فلسطین‌لیکنی قوییب یوباریش اوچون تیارگرلیک کورماقده‌لیگی اېتیلگن.
فلسطین‌لیک اوشبو محبوس‌لر کېله‌سی کونلرده قوییب یوباریلیشی کوتیله‌دی و اولر ارا ۲۵۰ دن ۳۰۰ محبوس‌نینگ ابدی حبس گه محکوم اېکن‌لیگی اېتیله‌دی.
معلومات‌لر اساسیده، بو کېلیشوونینگ اوچ باسقیچی بار بیرینچی باسقیچ‌ده، آلتی هفته‌لیک آتیش کېسین برقرار اېتیلیب و اوشبو مدت ایچیده اسرائیل حربی کوچلری استه-سکین غزه‌دن آرتگه چېکینیب و ۳۳ گروگه آلینگن اسرائیل‌لیک، فلسطین یشاوچیلری بیلن المشتیریله‌دی.
بیزلرنینگ «ایکس» ترماغی ده هم تعقیب قیلینگ!
ایکّینچی باسقیچ‌ده، بوتون گروگه آلینگنلر قوییب یوباریلیشی، دایمی آتیش کېسین برقرار اېتیلیشی و اسرائیل اردوسی‌نینگ غزه‌دن بوتونلی آرتگه چېکیشینی شامل بوله‌دی.
غزه قیته قوریلیشی و گروگه آلینگنلرنینگ قالدیقلری قیتریلیشی، اوشبو کېلیشوونینگ اوچینچی باسقیچی گه کېره‌دی.
امریکا، مصر و قطر واسطه‌چیلیگی بیلن اسرائیل و حماس اورته‌سیده غزه‌ده آتیش کېسین برقرار اېتیلیشی اوچون کېلیشوو، ایکّی تامان آره‌سیده نیچه آی مذاکره‌لردن کېین عملی بولگن.
بو کېلیشوو، امریکا، مصر و قطر تامانیدن کوزه‌تیلیشی اېتیلگن.
