لبنان ساغلیقنی سقلش وزیرلیگی، اوشبو مملکتنینگ جنوبی حدودلریده آوارهلر کمپی گه اسرائیلنینگ دران هجومی عاقبتیده چمهسی ۱۳ فلسطینلیک هلاک بولگنینی اعلان قیلدی.
الجزیره، بوگون (۲۸-عقرب/۱۹-نومبر، چهارشنبه) بیر گزارش ترقهتیب، اسرائیل اردوسی اوتگن کون لبنان حنوبی حدودلریده فلسطینلیک آوارهلر کمپی ایچیده مسجد بیکتیده بیر موترنی نشانگه آلگنینی ایتگن.
اسرائیل اردوسی، اوشبو کمپده حماس گه تیگیشلی «تعلیمی مرکز»نی نشانگه آلگنینی ادعا قیلگن؛ بیراق حماس بو ادعانی «ساخته» دیب و اونی فلسطین خلقی گه و لبنان حاکمیتیگه تجاوز دیب اتهگن.
اسرائیل اوتگن ایکی ییلده لبنانده فلسطینلیک جملهدن حماسنینگ نیچته قوماندان و ییریک اعضالرینی نشانگه آلگن.
میلادی ۲۰۲۴-ییل، نومبر آییده امریکا واسطهچیلیگی بیلن برقرار ایتیلگن آتیش کېسین گه قرهمی، اسرائیل و حزبالله اورتهسیده کېسکینلیک همان دوام ایتماقده. لبنان دولتی معلوماتیگه کوره، آتیش کېسیندن حاضرگچه اسرائیلنینگ هجوملری عاقبتیده ۲۷۰ کیشی هلاک بولیب و قریب ۸۵۰ کیشی یرهلنگن.
آتیش کېسین اساسیده، اسرائیل میلادی ۲۰۲۵-ییل، ۲۶-جنوری گه قدر لبناندن چیقیشی کېرهک اېدی؛ بیراق بو مهلتنی رعایت قیلمهگن.
