فرانسه جمهور باشلیغی امانوئل مکروننینگ ایتیشیچه، فرانسه و سعودی عربستان میزبانلیگی بیلن اوتکزیلهدیگن اسرائیل و فلسطین اوچون ایککی دولتلی ییچیمی حقیده بیرلشگن ملتلر تشکیلاتی ییغیلیشی، اسرائیل و ایراننینگ حربی هجوملریدن کیین آرتگه قالدیریلگن.
مکرون، ۲۳-جوزا، جمعه کونی خبری بیر ییغیلیشده ایتیشیچه: «اوشبو آرتگه قالدیریلیش، هیچ قندهی حالتده هم ایکی دولتلی ییچیمنی آلغه آلیب باریش توغریسیدهگی نیتیمیزنی ضعیفلشتیرمسلیگی کیرهک.»
بیزلرنینگ «ایکس» ترماغی ده هم تعقیب قیلینگ!
امانوئل مکروننینگ اورغولشیچه، هر قندهی وضعیتده فلسطین مملکتینی رسمیتگه تانیش اوچون متعهد دیر.
برنامه اساسیده، مذکور ییغیلیشنینگ ۱۷دن ۲۰-جونگچه اوتکزیلیشی ممکن ایدی؛ بیراق ایکی منبعنینگ رویترز آژانسیگه ایتیشیچه، ایران گه اسرائیلنینگ اویوشتیرگن هجوملریدن کیین، منطقه مملکتلری اوچون لجستیکی قیینچیلیکلر سبب بو ییغیلیشنینگ اوتکزیلیشی امکانسیز بولگن.
بیزلرنینگ فیسبوک صحیفهمیزگه باش اورینگ!
اسرائیل، اوتگن کون ایران گه هوا کینگ شکلده هوا هجوملرینی باشلهگن. مذکور هجوملرده ایراننینگ بویوک هستهای آستقورمه قوریلمهلرینی نشانگه آلگن.
بو هجوملرده، شونینگدیک ایراننینگ هستهای عالملری و ییریک حربی قوماندالریدن قطاری هم اولدیریلگن.
