اسرائیل اردوسینینگ اوچاقلری و تانکلری اوتگن ایکّی کون ایچیده غزه شهری شرقی و شمالی حدودلرینی بمباردمان قیلیب انشاآتلر و یشش اویلرنی نشانگه آلگن.
اسرائیل باش وزیری بنیامین نتانیاهو کابینهسی تامانیدن غزه شهرینی باسیب آلیش ریجهسی تصدیقلنگچ، اسرائیلنینگ غزه شهری گه هجوملری کېنگهیتیریلگن.
بیزلرنینگ فیسبوک صحیفهمیزگه باش اورینگ!
رویترز گه کوره، زیتون و شجاعیه حدودلریده یکشنبه کیچه دوامیده کیتمه-کیت پارتلشلر تاووشی ایشیتیلگن و شو بیلن بیرگه، تانکلر، یشش اویلر و سرکلرنی صبرا محلهسیده اوققه توتگن و غزه شمالیده جبالیا شهریده انشاآتلر پارتلهتیلگن.
اسرائیل اردوسی، ۲-اسد، یکشنبه کونی، سۉنگی کونلرده عسکرلری جبالیاده اوروش گه قیتگنلر، حماس گه عاید تونللرنی یوق قیلیب و منطقهنی نظارت قیلیش اوچون؛ «بو عملیات باشقه حدودلرده کېنگهیش احتمالینی یرهتیب و حماس کوچلرینینگ قیتیشیگه توسقینلیک قیلهدی.»
اسرائیل مدافعه وزیری کاتز گه کوره، حماس اسرائیل شرایطی بیلن اوروش گه چېک قوییش و بوتون گروگه آلینگنلرنی قوییب یوباریش اوچون موافقت قیلمهگن حالده، غزه شهری ییر بیلن یکسان قیلینهدی.
بیزلرنینگ «ایکس» ترماغی ده هم تعقیب قیلینگ!
اسرائیلنینگ غزه گه هجوملری دوام ایتیشی، دنیا مقیاسیده بعضی شهرلرده اسرائیل گه قرشی ناراضیلیک نمایشلر اوتکزیلیشی گه سبب بولگن.
اوتگن کون آسترالیانینگ ملبورن و سیدنی شهرلریده مینگلب کیشی، اسرائیلنینگ غزه گه قیلگن هجوملرینی قارهلب، فلسطینلیکلر بیلن بیردملیکلرینی کورسهتیش اوچون ناراضیلیک نمایش اوتکزدیلر.
