اسرائیل اردوسی، نوار غزهنینگ اینگ بویوک مرکزی بولمیش «غزه شهری»نی باسیب آلیش بوییچه عملیاتینینگ بیرینچی باسقیچی باشلنگنینی اعلام قیلگن. بو ییرده ایسه قریب بیر میلیون کیشی قیین و خوفلی شرایطده قالگن.
اسرائیل بو شهرنی باسیب آلیش اوچون، حربی هجوملرینی کوچهیتیرگن. گزارشلر اساسیده، اوتگن بیر کیچهوکوندوزده فلسطینلیک کمیده ۸۱ کیشی هوا و ییر هجوملری همده آچلیک طفیلی قربان بولگن.
بیزلرنینگ فیسبوک صحیفهمیزگه باش اورینگ!
شونینگدیک اوتگن کون (۲۹-اسد، چهارشنبه)، باشقه اوچ فلسطینلیک قحطچیلیک طفیلی وفات قیلگن. بو بیلن بیرگه، آچرچیلیک طفیلی وفات قیلگن کیشیلرنینگ توپلم سانی ۱۱۲ باله شامل ۲۶۹ کیشیگه ییتیشگن.
بیجای بولیشنینگ ینگی باسقیچی
اسرائیل اردوسینینگ ایتیشیچه، کیلهسی هفتهلرده ۶۰ مینگ احتیاطی کوچنی چقیریب و غزه شهرینی باسیب آلیش اوچون عملیاتنی دوام بیریشی ممکن. گزارشلرگه کوره، اسرائیل تانکلری شهر مرکزی یقینیگچه بارگن.
بیرلشگن ملتلر تشکیلاتی باش کاتبی سوزلاوچیسی استفان دوجاریکنینگ آگاهلنتیریشیچه، بو عملیات بوندن آلدین هم اوروش جریانیده نیچه مرته بیجا بولگن اهالی اوچون «ینگی کینگ کولملی آوارهلیککه سبب بولیشی ممکن.»
بیزلرنینگ «ایکس» ترماغی ده هم تعقیب قیلینگ!
حماس، مذکور عملیات باشلنیشیگه عکسالعمل بیلدیریب و اعلام قیلیشیچه، غزه شهریگه اسرائیل کوچلرینینگ آلغه باریشی، تلآویونینگ «تینچ اهالیگه قرشی اوروش» نی دوام بیریشی، شهرنی ویران قیلیشی و یشاوچیلرینی جبری شکلده چیقرماقچین بولگنینی کورستهدی.
غزه ساغلیقنی سقلش وزیرلیگینینگ گزارشی بیریشیچه، اوروش باشلنگنیدن حاضرگچه فلسطینلیک ۶۲ مینگ ۱۲۲دن آرتیق کیشی قربان بولگن.
