اسرائیل اردوسینینگ اعلام قیلیشیچه، بو مملکتنینگ نوار غزه ده اوتکزگن هدفلی عملیاتلری جریانیده، ۴۰ دن آرتیق فلسطینلیک قربان بولگن.
الجزیره خبری ترماغینینگ گزارش بیریشیچه، بو کیشیلر اوتگن بیر هفتهده رفح ده اسرائیل آرقهلی تونللرنینگ نشانگه آلینگنی چاغیده قربان بولگنلر.
بو بیلن بیرگه، اسرائیل اردوسی بوگون ایرتهلب غزه شهرینینگ شرقی حدودلریده جایلشگن یشش اویلرنینگ ویران قیلیش عملیاتینی باشلهب و نوار غزه مرکزیدهگی بوریج قاچقینلری کمپیگه هم هجوم قیلگن.
آتیش کیسین برقرار بولگنی بیلن، نوار غزهنینگ بیر قطار بولیملریگه اسرائیل هجوملری دوام قیلماقده. فلسطین ساغلیقنی سقلش وزیرلیگینینگ معلوماتی اساسیده، حماس و اسرائیل آرهسیده توقنشوولر باشلنگنیدن حاضرگچه، ۷۰ مینگ ۱۰۰ فلسطینلیک قربان بولیب و قریب ۱۸۰ مینگ کیشی یرهلنگن. شونینگدیک اسرائیل هم حماس بیلن توقنشوولرده بیر مینگ ۱۳۹ یشاوچیسینی قولدن بیرگن.
