اسلام امیرلیگی تامانیدن بیلیم یورت‌لر ایشیگی قیزلر یوزیگه یاپیلیشی گه دایر مناسبت‌لر دوام ایتر ایکن، ینگی‌لیکده اسلام امیرلیگی اعضالریدن بیرقطاری، اوشبو قرار گه اوز قرشی‌لیکلرینی بیلدیرگنلر.
اسلام امیرلیگی نینگ ییریک اعضالریدن بولمیش انس حقانی، اوز توییتری ده پشتو تیلی ده ترقه‌تگن شعری ده، بو یونه‌لیشده قلم ایاغ آستی بولیشی و جیم توریش‌لیکنی، یازگن.
شونینگدیک امتحان‌لر ملی اداره‌سی سرپرستی عبدالباقی حقانی، قیزلر نینگ تعلیمی توخته‌تیلیشی گه دایر مناسبت بیلدیریب، اوز توییتری ده تحصیل بولیمیده بوشلیق تاپیلگن تقدیرده، تولدیریلیشی قیین بولیشی ممکن دیب یازگن.
بیزلرنینگ فیسبوک صحیفه‌میزگه باش اورینگ!
جناب حقانی، ینگی‌لیکیده باشقه توییتیده بعضی مسئله‌لر گه دایر آلینه‌دیگن قرارلر عاقبتیدن آگاه‌لنتیرگن.
بونگه علاوه، اسلام امیرلیگی نینگ ییریک اعضالریدن و زابل امنیه قوماندانی صلاح‌الدین ایوبی، قیزلر نینگ تعلیمی توخته‌تیلیشی گه واکنش کورسه‌تیب، اسلام امیرلیگی برچه گه تعلیم و تحصیل شرایطینی یره‌تیشگه مکلف دیگن.
شونینگدیک او، اسلام امیرلیگی رهبریتی دن، قیزلر نینگ تعلیمی توخته‌تیلیش قراری قیته کوریلیب چیقیلیشینی سوره‌گن.
عین‌حالده، سیاسی ایش بیلرمان طارق فرهادی نینگ ایتیشیچه: «اسلام امیرلیگی برچه برابری ده بی‌فرق‌لیگینی کورستدی؛ نه افغانستان خلقی و نه اسلام جهانی. اسلام امیرلیگی نینگ بو قراری گه قرشی بولگن اعضالری، مطبوعاتی ییغینده آچیقلش‌لری کیره‌ک.»
سیاسی ایش بیلرمان‌لردن باشقه بیری همایون خیری گه کوره: «اسلام امیرلیگی اعضالریدن هر بیری اوز باشیمچه‌لیک روشده عمل قیله‌دیلر، بونده‌ی مسئله‌لر گه عاید اسلام امیرلیگی نینگ اتفاق‌سیزلیگینی کورسته‌دی.»
شونینگدیک حزب اسلامی لیدری گلبدین حکمتیار، ینگی‌لیکده قیزلر نینگ تعلیمی توخته‌تیلیش قرارینی، شرعی‌سیز و منطق‌سیز اته‌گن.
قیزلر نینگ تعلیمی توخته‌تیلیشی گه قرشی مملکت نینگ قطار شهرلریده عیاللر و ییگیت طلبه‌لر هم بیلیم یورت بارمسلیک اوچون ناراضی‌لیک بیلدیریب و قطار اوقیتووچیلر اوز لوازم‌لریدن استعفا بیریشگن.
بیزلرنینگ توییترده هم تعقیب قیلینگ!
مجازی ترماق‌لرده ترقه‌لگن معلومات‌لر اساسیده، پولی‌تخنیک بیلیم یورتی کان‌لرنی کشف قیلیش، جیولوژی، انجنیرلیک و هایدرولوژی دیپارتمنت‌لری نینگ تورتینچی ییل ییگیت طلبه‌لری و مذکور بیلیم یورت نینگ اوچینچی ییل انجنیرلیک طلبه‌لری و صنایع کیمیایی ایکینچی ییل ییگیت طلبه‌لری، اوشبو بیلیم یورت ریاستی گه علیحده یوللـه‌گن مکتوب‌لریده، درسی صنف گه اشتراک ایتمسلیکلرینی معلوم قیلگنلر.
بونگه قوشیمچه، بلخ بیلیم یورتی طب معالجوی فاکولته‌سی نینگ توقیزینچی سمستر ییگیت طلبه‌لری، کابل بیلیم یورتی کمپیوتر ساینس فاکولته‌سی نینگ تورتینچی ییل ییگیت طلبه‌لری و افغان_پامیر خصوصی عالی تحصیلات مؤسسه‌سی نینگ ییگیت طلبه‌لری، قیزلر گه تحصیل اجازه‌سی بیریلمه‌گونچه درسی صنف‌لر گه اشتراک ایتمسلیکلریدن آگاه‌لنتیریشگن.
پولی‌تخنیک بیلیم یورتی طلبه‌لریدن فهیم‌الله نینگ سلام‌وطندار گه ایتیشیچه: «اوز قراریمیز گه جدی میز؛ قیزلر گه تحصیل اجازه‌سی بیریلمه‌گونچه، بیز بیلیم یورت بارمه‌ی میز.»
قیزلر نینگ تعلیمی توخته‌تیلیشی ایچکی و خلق‌ارا مناسبت‌لر گه دوچ بولگندن کیین، قندهار ده اسلام امیرلیگی رهبریتی تامانیدن اوشبو قرار بحث گه آلینیشی میدیالر گه ترقه‌لگن.
