اسلام امیرلیگی تشقی ایشلر وزیرلیگی رسمی‌لری، آذربایجان کابل ده ایلچی‌خانه‌سینی آچیش گه قرار قیلگنیدن خبر بیرگنلر.
اسلام امیرلیگی تشقی ایشلر وزیرلیگی سوزلاوچیسی عبدالقهار بلخی بوگون (پنجشنبه، ۲۶-دلو) ایکس اجتماعی ترماغی ده، آذربایجان کابل ده اوز ایلچی‌خانه‌سینی آچیشینی یازگن.
عبدالقهار بلخی نینگ کوپه‌یتیریشیچه، کابل ده آذربایجان ایلچیسی الهام نریمان اوغلو اوشبو مملکت ایلچی‌لیگی نینگ رسمی آچیلیش مکتوبی نی، سرپرست حکومت تشقی ایشلر وزیرلیگی نینگ سرپرستی امیرخان متقی گه تاپشیرگن.
بیزلرنینگ فیسبوک صحیفه‌میزگه باش اورینگ!
آذربایجان ییتکیرمه‌لری بوندن آلدین اوشبو ییل ۸-جدی، بو مملکت تشقی ایشلر وزیرلیگی دن نقل قیلیب آذربایجان میلادی ۲۰۲۴-ییل ده، کابل ده ایلچی‌خانه‌سینی آچیشگه قرار قیلگنینی ایتگن ایدیلر.
شونینگدیک، آذربایجان جمهور باشلیغی الهام علی‌اوف، ۲۰۲۱-ییل ۲۸-جولای، افغانستان ده بو مملکت نینگ ایلچی‌خانه‌سی آچیلیشینی معلوم قیلیب و کابل ده الهام مدداوف نی مذکور مملکت نینگ ایلچیسی اوله‌راقی ییتیب تعینله‌گندی.
افغانستان اینیقسه کابل شهری، اسلام امیرلیگی حاکمیتی گه اوتگچ، افغانستان ده بو مملکت نینگ ایلچی‌خانه‌سی آچیلیش مسئله‌سی آرتگه قالدیریلدی.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی اوشبو ییل نینگ دستلبکی آی‌لریده، قره‌باغ مسئله‌سی گه دایر آذربایجان و ارمنستان آره‌سیده‌گی کیسکین‌لیکلر دوام ایتماقده ایکن، باکو دن حمایت قیلگن بیرحالده، آذربایجان کابل ده ایلچی‌خانه‌سینی آچیش گه قرار قیلگن.
ایتیش کیره‌ک، آذربایجان بیرینچی مرته کابل ده اوز ایلچی‌خانه‌سینی آچیب اوز دیپلماتینی ایلچی اوله‌راق افغانستان گه یوباره‌دی.
