اسلام امیرلیگی سوزلاوچیسی ذبیحالله مجاهد، امریکا قوشمه ایالت‌لری نینگ نیویارک شهری ده بیرلشگن ملت‌لر تشکیلاتی نینگ ۷۸- عمومی ییغیلیشی بوگون (سه‌شنبه، ۲۸ سنبله)، یولگه قوییلیشی گه مناسبت بیلدیریب ایتیشیچه، اوشبو ییغیلیش ده افغانستان وضعیتی بحث گه آلینیشی اوچون افغانستان دن نماینده بولیشی کیره‌ک.
مجاهد جنابلری سلام‌وطندار بیلن اوتکزگن صحبتیده ایتیشیچه: «بولیب اوته‌دیگن ییغیلیش‌لرده افغانستان وضعیتی بحث گه آلینیب و افغانستان نماینده‌سی حضوری بولمسه، ییغیلیش‌لرده آلینه‌دیگن قرارلر نتیجه بیرمه‌یدی.»
بیزلرنینگ فیسبوک صحیفه‌میزگه باش اورینگ!
سلام‌وطندار بیلن صحبت اوتکزگن اسلام امیرلیگی سوزلاوچیسی ذبیحالله مجاهد، ینه بیر مرته بیرلشگن ملت‌لر تشکیلاتی دن، مذکور تشکیلات ده افغانستان چوکیسی سرپرست حکومت نماینده‌سی گه تاپشیریلیشینی سوره‌گن، لیکن بو طلب حاضرگچه بیرلشگن ملت‌لر تشکیلاتی تامانیدن قبول قیلینمه‌گن.
برچه‌سی بیلن، خلق‌ارا مناسبت‌لر ایش بیلرمانی ولی فروزان نینگ ایشانچی گه کوره، بو کبی ییغیلیش‌لرده افغانستان نماینده‌سی حضورسیزلیگی، افغانستان بحرانی گه حل یول قیدیریش نی قیینچیلیک بیلن دوچ قیله‌دی.
او نینگ کوپه‌یتیریشیچه: «افسوس بیلن بو وضعیت افغانستان زیانی گه دیر، چونکه افغانستان بیرلشگن ملت‌لر تشکیلاتی گه اعضا مملکت‌لردن بیری دیر، لیکن حاضرگی وضعیت باعث دنیا تن آلمه‌یپتی.»
بیزلرنینگ توییترده هم تعقیب قیلینگ!
ایتیش کیره‌ک که، بیرلشگن ملت‌لر تشکیلاتی نینگ ۷۸-عمومی ییغیلیشی ده، اوکراین و دنیا ده آب‌وهوا اوزگریش مسئله‌سی گه علاوه افغانستان وضعیتی، بحث گه آلینه‌دیگن موردلردن عبارت دیر.
