اسلام امیرلیگی سۉزلاوچیسی ذبیح‌الله مجاهد، منفعت‌لری بیر مستقل مملکتلر تامانیدن افغانستان اطرافیده امنیتی کمربند قوریلیشی ریجه‌دن قۉللب-قوتلش بیانات‌لری گه مناسبت بیلدیریب، افغانستان تینچ دیر و بو ریجه هېچ نیاز اېمس‌لیگینی بیلدیرگن.
شونینگدیک مجاهد جنابلری، ۱۸-عقرب، جمعه کونی روسیه پایتختی مسکوده منفعت‌لری بیرن مستقل مملکتلر تشکیلاتی ییغیلیشی‌ده، افغانستان‌دن بنگی‌وار ماده و قورال-یراق قاچاق بولیش فکر-ملاحظه‌لرینی رد اېتگن.
اونینگ ایتیشیچه: «افغانستان تینچ دیر و بو کبی کمربند قوریلیشی کېره‌ک اېمس و افغانستان‌ده بنگی‌وار ماده‌لری بوتونلی یوق اېتیلگن، بونده‌ی احوالده خواطر بیلدیرش هېچ کیم‌نینگ اونیمیگه اېمس و افغانستان هېچ بیر مملکت اوچون تهدید بولیشی گه ایزین بیریلمه‌یدی.»
بیزلرنینگ فیسبوک صحیفه‌میزگه باش اورینگ!
منفعت‌لری بیر مملکتلر تشکیلاتی باش کاتبی سرگی لبیدیف، اوشبو تشکیلات‌نینگ اۉتگن کونگی ییغیلیشی‌ده اوشبو مملکت‌دن منطقه گه تروریزم کېنگه‌یمسلیگینی آلدینی آلیش اوچون بو مملکت اطرافیده امنیتی کمربند قوریلیش تکلیفینی قۉللب-قوتله‌گنینی اېتگن.
مذکور ییغیلیش‌ده جمعی امنیت کیلیشوو تشکیلات باش کاتبی تسماگامبتوف، بو تشکیلات اعضالری افغانستان‌ده‌گی قیینچیلیک و خوفسیزلیک تهدیدلرنی نظارت اېتیش گه دوام بیریشی اوستیگه تأکید اېتگن.
خوفسیزلیک ایش بیلرمان‌لردن بیرقطاری، افغانستان‌دن امنیتی تشویشی بولگن منطقه اینیقسه قۉشنی مملکتلر، چېگره‌لری خوفسیزلیگینی کوچه‌یتیریشی کېره‌ک دیېدیلر.
بیزلرنینگ «ایکس» ترماغی ده هم تعقیب قیلینگ!
خوفسیزلیک ایش بیلرمان واحد طاقت گه کوره: «دنیا مملکتلری اینیقسه قۉشنی مملکتلر یا که منفعت‌لری بیر مستقل تشکیلات گه اعضا اولکه‌لر و باشقه تشکیلات‌لر خوفسیزلیک‌لرینی تأمینلش گه حقلری بار یا که چېگره‌لری خوفسیزلیگینی آشیریش گه.»
ایش بیلرمان‌لردن باشقه بیرقطاری، سۉنگی اوچ ییلده قۉشنی و منطقه مملکتلرنینگ افغانستان توپراغیدن امنیتی خواطر بیلدیریش‌لری گه اشاره قیلیب، بو خواطرلرنی حل قیلیش اوچون افغانستان بیلن یقیندن بحث اېتیلیشی گه ایشانه‌دیلر.
حربی ایش بیلرمان یوسف‌امین زازی، افغانستان انچه ییلدن بیری تروریزم قربانی بولگنینی اېته‌دی. اونینگ ایشانچی گه کوره: «تروریزم کېنگه‌یشی و تروریزم نی قۉللب-قوتلاوچیلر حقیده قۉشمه طرزده افغانستان بیلن بحث اېتسه‌لر یخشی بوله‌دی. منطقه اینیقسه افغانستان‌ده تروریزم بارلیگی حقیده کوپ دلیل‌لریمیز بار که دنیا مملکتلری نینگ ریجه‌سی دیر.»
افغانستان اطرافیده امنیتی کمربند قوریلیش ریجه بیرینچی مراتبه میلادی ۲۰۲۲-ییل‌نینگ جنوری آیی‌ده تاجیکستان جمهور باشلیغی امام‌علی رحمان تامانیدن آچیقلندی.
افغانستان منفعت‌لری بیر مستقل مملکتلر تشکیلاتی گه اعضا اۉزبېکستان، تاجیکستان و تورکمنستان بیلن چېگره‌داش دیر.