«ژورنالیست‌لر گه قرشی جنایتلر اوچون جزاسیزلیکّه برهم بیریش خلق‌ارا کونی» بیلن بیرگه، افغانستان ژورنالیست‌لر مرکزی بیر بیانیه ترقه‌تیب، افغانستانده سۉنگی ایکّی سنه ده اوروش یا ده ریجه‌لشتیریلگن جنایتلر طفیلی ۱۲۰ ژورنالیست و یېتکرمه‌لر خادمی قربان بولگن؛ بیراق ژورنالیست‌لر گه قرشی جنایتلر اوچون جزاسیزلیکّه برهم بیریش فرهنگی طفیلی، بو قربانلر نینگ کوپینچه‌سیگه عدالت تأمین بولمه‌گن.
مذکور نهاد نینگ کوپه‌یتیریشیچه، اسلام امیرلیگی حاکمیتیدن سۉنگ، چمه‌سی ۲۲۰ ژورنالیست و یېتکرمه‌لر خادمی نینگ قولگه آلینیشی ثبت بولگن.
معلومات و مدنیت وزیرلیگی سۉزلاوچیسی خبیب غفران گه کوره، سۉنگی اوچ ییلده ژورنالیست‌لر گه قرشی هېچ قنده‌ی زوره‌وانلیک یوز بیرمه‌گن. اونینگ کوپه‌یتیریشیچه، خوفسیزلیک ارگانلر تامانیدن قولگه آلینگن ژورنالیست‌لردن بیرقطاری، باشقه عیبلر بیلن قولگه آلینگن.
بیزلرنینگ فیسبوک صحیفه‌میزگه باش اورینگ!
اونگه کوره: «ژورنالیست‌لر گه قرشی زوره‌وانلیکّه دایر تورلی آدرسلردن ترقه‌لگن ادعالر حقیقت اېمس؛ چونکه بونده‌ی وضعیت یوق. بو آدرسلر حتا ژورنالیست‌لیک ایشلر گه باغلیق بولمه‌گن یا ژورنالیست خوفسیزلیک مسئله‌لر باعث قولگه آلینیب و دولت هم اره‌لشگن، اونی هم ژورنالیست‌لیکّه ربط بیریشگن؛ عین‌حالده بونده‌ی نرسه بولمه‌گن.»
باشقه تاماندن، ژورنالیست‌لردن بیرقطاری ژورنالیست‌لر گه قرشی سۉنگی ایکّی سنه ده‌گی قضیه‌لرگه اشاره قیلیب، ژورنالیست‌لر گه قرشی جنایتلر اوچون جزاسیزلیکّه برهم بیریش فرهنگی گه چېک قوییلیشینی سوره‌یدیلر.
بیزلرنینگ «ایکس» ترماغی ده هم تعقیب قیلینگ!
کابلده تلویزیونلردن بیری نینگ خادمی زلیخا احمدی گه کوره، ژورنالیست‌لر ایکّی سنه دن بیری جدی معمالر اینیقسه زوره‌وانلیک و بیزاوته بولیش قیینچیلیکلری بیلن روپه‌ره دیر. «سۉنگی ایکّی سنه ده، افسوس بیلن ژورنالیست‌لر اوچون احوال عادلانه اېمس. سۉنگی دهه‌لرده مملکت مقیاسیده ژورنالیست‌لر تورلی بهانه‌لر سبب یوق بولدیلر؛ کلتکلندیلر؛ افسوس بیلن بو قضیه‌لر اساسی شکلده تېکشیریلمه‌دی.»
شو بیلن بیرگه، بیرلشگن ملتلر تشکیلاتی باش کاتبی آنتونیو گوترش، ژورنالیست‌لر احوالیدن خواطر بیلدیریب، دنیا مقیاسیده ژورنالیست نینگ اولدیریش هر ۱۰ قضیه دن توقیز موردی جزاسیز قالیشینی بیلدیرگن.
معلومات یېتکزیش و حقیقت‌لرنی آچیقلش یولیده جانلرینی قربان قیلگن ژورنالیست‌لردن قدرلش اوچون، هر ییلی ۲-نومبر دن، ژورنالیست‌لر گه قرشی جنایتلر اوچون جزاسیزلیکّه برهم بیریش خلق‌ارا کونی اوله‌راق نشانلنه‌دی.