اسلام امیرلیگی سوزلاوچیسی ذبیحالله مجاهد، بوگون ایرتهلب سمنگان، بلخ و بغلان ولایتلریده یوز بیرگن زلزله نتیجهسیده، اهالیگه جانی و مالی زیانلر ییتیشگنینی معلوم قیلگن.
او، بوگون اکس صحیفهسیده یازیشیچه، افغانستان ده یوز بیرگن سونگی زلزله، اسلام امیرلیگینینگ چقور قیغولنیشیگه سبب بولگن. «بلخ، سمنگان و بغلان ده یوز بیرگن زلزله طفیلی اهالیگه جانی و مالی زیان ییتیشیب و قیغولندیک؛ شهیدلرگه جنت فردوس، یرهلگنلرگه تیزلیک بیلن ساغهیش و قالگن کیشیلرگه صبر ایستهیمیز.»
اسلام امیرلیگی سوزلاوچیسینینگ کوپهیتیریشیچه، حکومتنینگ تورلیخیل نهادلری جبرلنگن کیشیلرگه خذمت کورسهتیش و یاردم بیریش بولیمیده ایشلماقده.
بوگون ایرتهلب ساعت ۰۱:۰۰ اطرافیده، افغانستان شمالیده ۶.۳ درجه ریشترلیک زلزله یوز بیرگن. اسلام امیرلیگی ساغلیقنی سقلش وزیرلیگینینگ معلوماتی اساسیده، بلخ و سمنگان ده یوز بیرگن زلزله نتیجهسیده، ۲۰ دن آرتیق کیشی اولیب و قریب ۳۲۰ کیشی یرهلنگن.
