اسلام امیرلیگی سوو و انرژی وزیری عبداللطیف منصور، تورکمنستان انرژی وزیری آننهگیلدی سپروف بیلن اوچرهشیب، ایکی تامانلمه همکارلیکلر کوچهیشی، کابل گه تورکمنستان دن بیر مینگ مگاوات برق انتقال بیریلیشی، «تاپ ۵۰۰» برقینینگ انتقال بیریلیش لایحهسینینگ تیزلشتیریش و تاپی لایحهسینینگ عملگه آشیریلیشیده قوشمه همکارلیکلر توغریسیده بحث و صحبت قیلگن.
سوو و انرژی وزیرلیگی بوگون (۱۶-سنبله، یکشنبه)، بیر بیانیه آرقهلی یازیشیچه، ایکی تامان افغانستان و تورکمنستان آرهسیده فایدهلی همکارلیکلر دوامی و علاقهلر مستحکملنیشیگه تاکید قیلگنلر.
مذکور اوچرهشووده سوو و انرژی وزیری عبداللطیف منصورنینگ ایتیشیچه، اسلام امیرلیگی هماهنگلیکلر یرهتیلیشی و قوشمه لایحهلر عملگه آشیریلشیده ییترلی همکارلیکلر اوچون متعهد بولیب و مکمل شکلده تیار دیر.
سوو و انرژی وزیرلیگینینگ بیانیهسی اساسیده، تورکمنستاننینگ انرژی وزیری آننهگیلدی سپروف هم، مملکتی قوشمه لایحهلرنینگ عملگه آشیریلیشی توغریسیده مکمل شکلده تیارگرلیگینی بیلدیرگن.
تورکمنستان انرژی وزیرینینگ کوپهیتیریشیچه، «تاپ» برقینی انتقال بیریش لایحهسینینگ دستلبکی ایشلری دوام ایتماقده.
