کابل شهری‌ده ایشچیلردن قطاری نینگ ایتیشلریچه، ایش‌سیزلیک و قشاق‌لیک سبب، ییگولیک ماده‌لر نی تامین‌لش اوچون اوی وسیلهلری نینگ ساتیش گه مجبور بولگنلر. اولر نینگ کوپه‌یتیریشلریچه، دستلبکی ییگولیک ماده‌لر نی تامین قیله آلمه‌سلیک سبب، کیچه و کوندوز نی قوروق نان بیلن اوتکزیش گه مجبورلر.
کابل شهری یشاوچیسی هادی نینگ ایتیشیچه، کونده یشاوچیلر نینگ بوت‌لری نی رنگ قیلیش بیلن، ۶۰ افغانی‌گچه درآمد قولگه کیلتیره‌دی و بو درآمد اونینگ عایله نیازلری نی تامین‌لش خصوصیده ییترلی ایمس. اونینگ کوپه‌یتیریشیچه: «ایش یوق، ۵۰-۶۰ روپیه‌دن کوپ درآمد قیله آلمه‌یمیز. اوی وسیله‌لریدن کوپینچه‌سی نی ساتدیک. گیلم، قالین، ایدیش‌لر و تلویزیون نی یریم قیمت گه ساتدیک. ایش یوق حاضر ایسه ۳۰-۴۰ مینگ قرضدارمین.»
بیزلرنینگ فیسبوک صحیفه‌میزگه باش اورینگ!
شونینگدیک ایشچیلیک بیلن عایله نیازلری نی تامین قیله‌دیگن بهرام‌علی نینگ ایتیشیچه، عایله نیازلری نی تامین قیله آلمه‌سلیگی اوچون، گیلم و ایدیشلری نی ساتیش گه مجبور بولگن. اونینگ کوپه‌یتیریشیچه: «ایش‌سیز کوپه‌یگن و بیر هفته‌ده بیر کون یا-ده ایکی کون‌دن کوپراق ایش تاپه آلمه‌یمیز. قولیمیز نینگ باشقه‌لرگه اوزه‌لمه‌سلیگی اوچون ایدیش، گیلم و اوی وسیلهلری نی ساتیش گه مجبور بولدیم.»
اوتگن ایکی ییل‌ده، ایش‌سیزلیک و کم‌بغل‌لیک کوپه‌یگنی سبب، یشاوچیلردن کوپینچه‌سی دستلبکی ییگولیک ماده‌لر نی تامین‌لش اوچون قیین‌چیلیک بیلن روپه‌ره بولیب و بیر قطاری ایسه اوی وسیلهلری نینگ آز بها گه ساتیش خصوصیده مجبور بولگن.
کابل نینگ دهبوری منطقه‌سیده‌گی ایسکی نرسه‌لر آلووچی میلاد نینگ ایتیشیچه، کونده ایرکک‌لر و عیال‌لردن کوپینچه‌سی اوی وسیلهلری نینگ ساتیش اوچون دکان‌لر گه مراجعت قیله‌دیلر. «اهالی اوی وسیلهلری جمله‌دن ایدیش، چوکی، گیلم، قالین و باشقه نرسه‌لری نینگ آز بها گه ساته‌دیلر.»
شونینگدیک بیرلشگن ملت‌لر تشکیلاتی نینگ خلق‌ارا آزیق-آوقات دستوری (WFP)، ایکس صحیفه‌سیگه بیر ویدیو ترقه‌تیش بیلن، یشاوچیلر نینگ ساتیب آلیش گه کوچلری ییتیشمه‌سلیگی‌دن خواطر بیلدیریب و ایتیشیچه، اولر اوی وسیلهلری نینگ ساتیش گه مجبورلر.
بیزلرنینگ «ایکس» ترماغی ده هم تعقیب قیلینگ!
خلق‌ارا آزیق-آوقات دستوری نینگ آسیا و اقیانوسیه بوییچه منطقه‌ای باشقیروچیسی جان آیلیف نینگ ایتیشیچه: «بازار‌ده ییگولیک ماده‌لر بار، بیراق اوی وسیلهلری نینگ آلیش گه اهالیدن بیر قطاری نینگ کوچی ییتمه‌‌دی. اهالی ییغگن پول‌لری نی بیتیرگن، اولردن کوپینچه‌سی بارلیگی نی ساتگن، چونکه پول‌لری بیتگن دیر.»
شونینگدیک کابل شهری‌ده ییگولیک ماده‌لر نی عمده شکلده ساتووچیلردن بیری نینگ مسئولی صفی‌الله گه کوره، مشتری‌لری نینگ ساتیب آلیش کوچی اون برابر‌دن کوپراق کمه‌یگن. «اوتگن پیت‌لرده بیر عایله بیر بوجی برنج ساتیب آله‌ر ایدی، حاضر ایسه بیر یا-ده ایکی کیلوگرام آله‌دیلر یا-ده بیر بوجی اون آله‌ر ایدیلر که حاضر ایسه یریم سیر آلیب کیته‌دیلر. اهالیدن کوپینچه‌سی قیمت خصوصیده چانه اوره‌دیلر. کوچلری ییتیشمه‌یدی.»
عین حالده، خلق‌ارا آزیق-آوقات دستوری نینگ ایتیشیچه، اوتگن ایکی آی‌ده اوشبو نهاد نینگ یاردم‌لری ۸۵ فایز نیازمند‌لر گه توخته‌گنی بیرحالده، افغانستان یشاوچیلری نینگ نیازمند‌لیگی کوپه‌یگن دیر. اوشبو دستور گه کوره، افغانستان حاضر ایسه بیر میلیون کیشی عاجل آچلیک سطحی‌ده بولگن ۱۰ مملکت‌دن بیری دیر.