ایران دولتی تامانیدن افغانستان‌لیک قاچقینلر برابریده یره‌تیلگن چیکلاولر دوامی‌ده، ینگی‌لیکده تهران باش تیکشیرووچیسی افشین سهراب‌خان، آزیق-آوقت محصولاتی ایشلب چیقریله‌دیگن شرکتلردن برچه‌سیگه، افغانستان‌لیک قاچقینلر نینگ ایش گه آلیش حقی‌گه ایگه ایمسلیکلریدن آگاه‌لنتیرگن.
مذکور ایران‌لیک رسمی نینگ ایتیشیچه، آزیق-آوقت محصوللری ایشلب چیقریله‌دیگن شرکتلرده افغانستان‌لیک ایشلاوچیلر نینگ ایشلشی کوریلگنی صورت‌ده، جمعیت‌ده مذکور شرکت نینگ توارلری معیارسیز و ساغلام‌سیز دیب تانیشتیریلیشی ممکن.
عین حالده، جمعیت شناسلر و حقوق شناسلر، افغانستان‌لیکلر برابریده ایران نینگ ینگی قانونی نی برچه افغانستان‌لیکلر گه حقارت دیگنلر.
بیزلرنینگ فیسبوک صحیفه‌میزگه باش اورینگ!
جمعیت شناسلردن احمدراشد صدیقی نینگ ایتیشیچه، ایران ده‌گی یشاوچیلر گه بو مملکت نینگ حقارتی، قانونی و دیپلماتیک یول آرقه‌لی تیکشیریلیشی کیره‌ک. «ایران دولتی حقارت قیلمسلیگی کیره‌ک. بو کبی سوزلرنی بیان قیلیش بیر مملکت ارزشلری گه توهین قیلیش و یشاوچیلری گه حقارت قیلیش دیر.»
شونینگدیک بو توغریده حقوق شناسلردن عبدالشکور داد‌رس نینگ ایتیشیچه: «بو موضوع نینگ قانونی یول‌دن تیکشیریلیشی کیره‌ک. بو ادعا نی قیلگن کیشیلر محکمه بولیشی کیره‌ک. بو انسانی حقوق نی اورته‌دن کیتکزیش و افغانستان‌لیکلر گه توهین قیلیش دیر.»
ایران دولتی سونگی ایکی-اوچ آی‌ده، افغانستان‌لیک قاچقینلر برابریده جدی حرکتلرنی کوپه‌یتیرگن.
ینگی ۷ مورد جمله‌ده، آزیق-آوقت محصوللری ایشلب چیقریله‌دیگن کارخانه‌لرده افغانستان‌لیکلر نینگ ایشگه آلینمسلیگی، افغانستان‌لیکلر گه قول اوستیده سودا ساتیلیش، اوی-جای ساتیلیش و نان ساتیلیشی تقیق‌لنگنی و بو مملکت مکتب‌لری گه افغانستان‌لیک اوقووچیلر نینگ ثبت نام بولمسلیگی، ایران نینگ افغانستان‌لیکلر برابریده یره‌تگن ینگی قانونلریدن دیر.
عین حالده، مذکور مملکت‌ده‌گی افغانستان‌لیک قاچقینلردن قطاری ایران ده کون اوتیشی بیلن یره‌تیله‌دیگن چیکلاولر و یانده‌شوولرنی اولر برابریده باسیم و حقارت دیگنلر.
بیزلرنینگ «ایکس» ترماغی ده هم تعقیب قیلینگ!
ایران ده‌گی افغانستان‌لیک قاچقینلردن مروه نینگ ایتیشیچه: «کوپینچه قیین‌چیلیک بیلن روپه‌‌ره‌میز، حجتی‌میز بولگنی‌ده هم ینگی قانون وضع قیله‌دیلر. بیر شرکت‌ده ایشله‌یمیز، بیر هفته‌ده کمیده اوچ-تورت مرته کیله‌دیلر و قاچقینلرنی آلیب کیته‌دیلر. عیاللر حتا دم آلیش جایلر گه باره آلمه‌یدی، چونکه قولگه آلینه‌دی.»
ایران ده‌گی افغانستان‌لیک قاچقینلردن باشقه بیری ادریس نینگ ایتیشیچه: «کوپ قیین بیر وضعیت‌ده‌میز. حتا بنالرده ایشلش اوچون ایشلاوچی آلمه‌یدیلر. حجتی‌میز بولمه‌گنی‌ده جریمه بوله‌سیزلر دیه‌دیلر. ایش کوپ و ایشلاوچی یوق. سوزلری بیلن حیات‌دن بیزلرنی پشیمان قیله‌دیلر.»
ایتیش کیره‌ک که، یقین‌ده ایران پولیسی باش قوماندانی، جاری ییل‌ده افغانستان‌لیکلر شامل ۷۵۰ مینگ ناقانونی قاچقین نینگ ایران دن چیقریلگنی نی بیان قیلیب و اورغولشیچه، جاری ییل نینگ یکون‌لنیشی گه قدر بو رقم نینگ ایکی میلیون گه ییتیشیشی ممکن.
