ایران رهبری علی خامنهای اولگنی طفیلی بو مملکتنینگ قصاص آلیش هجوملری دوامی بیلن بیرگه، کویت ده هوا هجوملری توغریسیده خوف قونقیراغلری چلینیب و شونینگدیک قطر ده نیچه پارتلش سیسی ایشیتیلگن.
الجزیرهنینگ بوگون (۱۰-حوت/ ۱-مارچ، یکشنبه)، گزارش بیریشیچه، قطر پایتختی دوحه ده ۱۱ ته پارتلش سیسی ایشیتیلگن.
حاضرگچه، مذکور هجوملر نتیجهسیده ییتیشگن زیانلر حجمی و احتمالی مقصدلر توغریسیده کوپینچه معلومات ترقهتیلمهگن.
سپاه پاسداران، اوشبو مملکت رهبری علی خامنهای و رسمیلریدن قطارینینگ اولگنیگه جواب، منطقه ده امریکا پایگاهلری و اسرائیلگه قرشی اینگ شدتلی هجوملرینینگ عملگه آشیریشی توغریسیده تهدید قیلگن.
شوندهی بیرحالده، ایران ییتکرمهلری سپاه پاسداران دن نقل قیلیب گزارش بیریشیچه، قصاص آلیش آلتینچی تولقینیده اورته شرقده امریکانینگ ۲۷ پایگاهسی و اسرائیلنینگ بیر قطار بولیملرینی نشانگه آلگن.
