اسلام امیرلیگی صناعت و سودا وزیرلیگی، بوگون توشدن آلدین بیر بیانیه ترقهتیب، ایران صناعت، کان و سودا وزیری سیدمحمد اتابک باشچیلیگیده اوشبو مملکتنینگ اقتصادی هیئتی کابل گه سفر قیلگنیدن خبر بیرگن.
بو وزیرلیک، ایران هیئتینینگ افغانستان گه سفرینی ایکی مملکت اورتهسیده سودا بوییچه قینیچلیکلرنی حل قیلیش، ایکی تامانلمه سودا مناسبتلرنی کېنگهیتیریش و ایکی تامان اورتهسیده ترانزیت و سودا ساحهلریده قولیلیک کیلتیریش دیه اتهگن.
صناعت و سودا وزیرلیگی سۉزلاوچیسی آخندزاده عبدالسلام جواد گه کوره، ایران هیئتی ترکیبیده مذکور مملکت پارلمان وکیللری و خصوصی سکتور نمایندهلری هم بار.
ایران هیئتی اوشبو سفری دایرهسیده، اسلام امیرلیگی باش وزیرینینگ اقتصادی اورین باسری، صناعت و سودا، کانلر و پترولیم، فواید عامه وزیرلری و افغانستان خصوصی سکتور اعضالری بیلن هم اوچرهشووی کوتیلهدی.
شو بیلن بیرگه، ایران یېتکرمهلری هم بو مملکتنینگ صناعت، کان و سودا وزیری افغانستان رسمیلرینینگ تکلیفی اساسیده، قیدیریش و قزیب چیقریش ساحهسیده کان امکانیتلری و آست قورمهلرنی کوزدن کیچیریش اوچون کابل گه سفر قیلگنی حقیده خبر بیرگنلر.
ایرانده ایسنا آژانسی، اسلام امیرلیگی عملدارلری آلدینگی اوچرهشوولرده ایران صناعت، کان و سودا وزیریدن افغانستانده کانلرنی ایزلش و قزیب چیقریش ساحهسیده ایراننینگ امکانیتلریدن فایدهلنیشنی سورهگن.
اقتصاد بیلرمانلری هم، ایراننینگ کانلرنی قزیب چیقریش و ایزلش ساحهسیده تخنیک و مسلکی صلاحتینی ثمرهلی بهالشیب ایتیشلریچه، اگر اوشبو مملکت افغانستان بیلن همکارلیک قیلسه، افغانستان کانلریده موجود بولگن بوشلیقلر و ثمرهلی سرمایه کیریتیش امکانیتلری برطرف ایتیلهدی.
سۉنگی ییللرده افغانستان و ایران اورتهسیده اقتصادی و سودا علاقهلری ایکی تامانلمه همکارلیکنینگ اساسی یونهلیشلریدن بیری بولگن. سیاسی قیینچیلیکلر و منطقهوی اوزگریشلر گه قرهمی، ایکی مملکت سودا، ترانزیت، برق و کانچیلیک ساحهلریده همکارلیک امکانیتلرینی کېنگهیتیریش گه حرکت قیلگن.
