ایران اردوسینینگ اعلام قیلیشیچه، کویت ده امریکانینگ مهم حربی پایگاهلرینی پهپادی هجوملر بیلن نشانگه آلگن.
فارس آژانسینینگ بوگون (۲۸-سرطان/۱۹-جولای، یکشنبه)، ایران اردوسیدن نقل قیلیب گزارش بیریشیچه، منطقه ده امریکا کوچلری پایگاهلریگه قرشی «صاعقه» عملیاتینینگ اون آلتینچی باسقیچیده، کویت ده امریکانینگ حربی ایکی پایگاهسی نشانگه آلینگن.
ایران اردوسینینگ بیانیهسیده کیلیشیچه، «العدیری» کمپیده امریکا اردوسینینگ قورال-یراق انباری و شونینگدیک «علیالسالم» پایگاهسیدهگی پاترویوت راداری تیزیمی و هوا کوزهتوو راداری پهپادلر یاردمی بیلن نشانگه آلینگن.
شونینگدیک بوندن آلدین امریکا مرکزی قوماندانلیگی (سنتکام)، ایران گه قرشی هجوملری ینگی باسقیچینینگ یکونلنتیرگنینی معلوم قیلگن ایدی.
سنتکام، اوشبو عملیاتده ایراننینگ حربی قیرغاق کوزهتوو قوریلمهلری، هوا مدافعه تیزیملری، دینگیز امکانیتلری و راکتهلر بیلن پهپادلر سقلنهدیگن جایلر نشانگه آلینگنینی قوشیمچه قیلگن.
