کابل اوتگن کون ایران تیمیر یول ادارهسی باشلیغی ییتکچیلیگیده اوشبو مملکت هیئتی میزبانی ایدی. بو هیئت اسلام امیرلیگی باش وزیرینینگ اقتصادی اورین باسری همده رسمیلردن قطاری بیلن اوچرهشیب و سوداگرلیک مناسبتلر حقیده صحبت قیلگن.
ایران تیمیر یول اداره باشلیغی جبارعلی ذاکری، اسلام امیرلیگی باش وزیرینینگ اقتصادی اورین باسری عبدالغنی برادر بیلن اوچرهشیب و ایتیشیچه، مملکتی افغانستان یولیدن تیمیر یولینی کینگهیتیرماقچین.
بو توغریده اسلام امیرلیگی سوزلاوچیسی اورینباسری حمدالله فطرتگه کوره: «کابل ده ایران ایلچیسینینگ حضوری بولگن بو اوچرهشووده، ایکی تامان اقتصادی، تجارت و افغانستان و ایران آرهسیده تیمیر یولی رواجلنیشی بوییچه همکارلیک حقیده صحبت قیلگنلر. ایران تیمیر یولی اداره باشلیغی جبارعلی ذاکری، افغانستان یولیدن تیمیر یولینینگ کینگهیتیرماقچین بولگنلرینی بیان قیلدی. شونینگدیک او بو موضوع اوچون قوشمه بیر کمیته آچیلیب و شرکتلر بیلن صحبت بولینیشینی تکلیف بیردی.»
اسلام امیرلیگی باش وزیرینینگ اقتصادی اورین باسریگه کوره، اوچ ییل آلدین مذکور لایحه ارزشی توغریسیده ایران جمهور باشلیغی اورینباسری بیلن صحبت قیلیب و اونینگ اقتصادی اهمیتی توغریسیده معلومات بیرگن. اونینگ کوپهیتیریشیچه، بو توغریده قوشمه بیر کمیته آچیلیب و عملی ایشلرینینگ تیزلیک بیلن باشلهنیشی ممکن.
شوندهی بیرحالده، افغانستان سودا و سرمایه یاتقیزیش اتاقی، منطقه مملکتلری بیلن تیمیر یولی آرقهلی افغانستاننینگ باغلهنیشینی، اقتصادی وضعیت یخشیلنیشی اوچون فایدهلی دیگن.
افغانستان سودا و سرمایه یاتقیزیش اتاق مدیره هیئت عضوی خانجان الکوزینینگ ایتیشیچه: «ایران بو ایشنی عملگه آشیرگنی و بو توغریده سرمایه یاتقیزگنی صورتده، افغانستان هرات یولیدن مملکت مرکزی و واخان یولیدن چین گه باغلنهدی. بو افغانستان فایدهسیگه دیر. بو ایش افغانستان اقتصادی رواجلنیشیده مهم آدیم بولیب، ایران و منطقه اوچون کوپ اهمیتگه ایگه دیر.»
اقتصادی ایش بیلرمانلردن قطارینینگ ایتیشیچه، تیمیر یولی رواجلنیشی بیلن افغانستان منطقه بویلب ترانزیت تورت یولیگه اوزگریب و تجارت بولیمیده کوپینچه آسایشتهلیکلر یرهتیلیشی ممکن.
بو توغریده اقتصادی ایش بیلرمانلردن شاکر یعقوبینینگ ایتیشیچه، بو کبی تیمیر یولی آچیلیشی، اقتصادی و تجارت نقطهی نظریدن کوپ اهمیتگه ایگه بولیب و افغانستاننی ترانزیتی تورت یولیگه اوزگرتیره آلهدی. بو ایسه افغانستان یولیدن چین توارلرینینگ ایران گه ییتیشیب و او ییردن اروپا گه انتقال تاپیشی و عکسینچه حالتی معناسیگه دیر.»
اقتصادی ایش بیلرمانلردن باشقه بیری عبدالنصیر رشتیانینگ ایتیشیچه: «تیمیر یولی قوریلیشی و افغانستاننینگ دنیا تیمیر یولی ترماغیگه عملی شکلده باغلهنیشی بیلن، تجارت توغریسیده کوپینچه امکانیت و آسایشتهلیکلر یرهتیلهدی.»
ایتیلیشچه، افغانستان فواید عامه وزیرلیگی تخنیکی اورینباسری عبدالکریم فاتح، ایران تیمیر یولی اداره باشلیغی بیلن اوچرهشگنیده، هرات-بلخ تیمیر یولی اهمیتی، اونینگ اقتصاید فایدهلری، سرمایه یاتقیزیلیش و اونینگ عملی ایشلرینی قندهی باشلشی حقیده صحبت قیلگن.
