ایران تشقی ایشلر وزیری سیدعباس عراقچینینگ ایتیشیچه، مملکتی امریکا بیلن «عدالتلی» و «انصافلی» مذاکرهلرنی اوتکزیشگه تیار دیر.
او، اوتگن کون (۱۰-دلو، جمعه)، تورکیه گه قیلگن سفری و اوتکزیلگن خبری بیر ییغیلیشده، ایراننینگ مذاکره اوچون هیچ بیر قیینچیلیگی بولمهگنی، لیکن تهدید آستیدهگی مذاکرهنینگ قبول قیلمسلیگینی بیان قیلگن.
عراقچی، ایراننینگ مدافعه و راکته امکانیتی هیچ قچان مذاکرهگه تارتیلمهیدی دیب تاکید قیلگن. «ایران اهالیسی خوفسیزلیگی اوزلریدن باشقه هیچ کیم گه تیگیشلی ایمس و بیز مملکتنی حمایه قیلیش اوچون ضرور بولگن هر قندهی درجهده اوز مدافعه امکانیتیمیزنی سقلهب قالهمیز و کینگهیتیرهمیز.»
سونگی هفتهلرده امریکا و ایران آرهسیدهگی کیسکینلیکلر کوچهیگنی بیرحالده، اوشبو بیانات مطرح بولگن. امریکا جمهور باشلیغی دونالد ترامپ، ایراننی اعتراضچیلرنینگ باستیریش و هستهای دستورینی چیکلش اوچون باسیم اوتکزگنی سبب تهدید قیلگن.
مذکور کیسکینلیکلر آرهسیده، تورکیه، بیرلشگن عرب امیرلیگی و سعودی عربستان، امریکا و ایران آرهسیده حربی توقنشوولر شکللنیشی آلدی آلینیشی اوچون دیپلماتیک سعیوحرکتلرنی باشلهگنلر. تورکیه جمهور باشلیغی رجب طیب اردوغان ایران جمهور باشلیغی مسعود پزشکیان بیلن اوتکزیگن تلیفونی علاقهده، مملکتینینگ بو مملکت بیلن امریکا آرهسیده واسطهچی رولینی بجریشگه تیارلیگینی معلوم قیلگن.
