ایران سپاه پاسداراننینگ اعلام قیلیشیچه، بو مملکت کوچلری کویت ده امریکانینگ هوا پایگاهلرینی نشانگه آلگن.
سپاه پاسداران، بوگون ایرتهلب (۲۲-سرطان/۱۳-جولای، دوشنبه)، بیر بیانیه آرقهلی یازیشیچه، مذکور هجوملر ایران برابریده امریکانینگ حربی اقدامیگه جواب عملگه آشیریلگن.
بیانیهده کیلیشیچه، اوشبو هجوملرده کویت دهگی «علی السالم» هوا پایگاهسیده جایلشگن یاقیلغی ذخیرهلری و پاتریوت هوا مدافعه تیزیملری و شونینگدیک «احمد الجبار» هوا پایگاهسیدهگی استراتژیک رادار تیزیمی نشانگه آلینیب، یوق قیلینگن.
بو بیلن بیرگه، ایران اردوسینینگ اعلام قیلیشیچه، منطقهده امریکا پایگاهلریگه قرشی پهپادی هجوملرنینگ دوامی بار. اوشبو نهاد بیر بیانیهده یازیشیچه، ایراننینگ قوراللی کوچلری بو مملکت توپراغی، مستقللیگی و یشاوچیلریدن دفاع قیلیش اوچون هر قندهی هجوم برابریده بار برچه کوچیدن فایدهلنیشی ممکن.
ایران و امریکا آرهسیدهگی کیسکینلیکلر، سونگی کونلر کوپهیب و ایکی مملکت بیر بیریگه قرشی هجوم اویوشتیرماقده.
