ایران زعفران صادر قیلیش ترقیات صندیغی گه کوره، بو مملکت زعفرانی افغانستان آتیده دنیا بازارلری گه صادر اېتیلهدی و دنیا بازارلریده ایران سهمینی «جوده ضعیف» قیلگن.
اوشبو صندیق اعضالریدن محمدرضا اریخانی گه کوره: «ایران، دنیانینگ اېنگ کتّه زعفران اېتیشتیرهدیگن مملکتلریدن دیر، دنیانینگ ۹۰ فایز زعفرانینی اېتیشتیرهدی؛ شونی اوچون دنیا بازارلرینینگ اېنگ کتّه صادر قیلووچیسی سنلهدی، بیراق ایران زعفرانی یا-ده خام طرزده ساتیلهدی؛ افغانستان گه وارد بولهدیگن قریب ۷۰ تُن زعفران ایران گه عاید دیر ارزان نرخده ساتیب آلینیب و کېین اېسه بو مملکت تامانیدن دنیا بازارلریگه صادر اېتیلهدی.»
بیزلرنینگ فیسبوک صحیفهمیزگه باش اورینگ!
افغانستان صناعت و سودا وزیرلیگی، ایران زعفران صادر قیلیش ترقیاتی صندیغینینگ بو ادعالری گه جواب فکر-ملاحظه بیلدیرمسهده؛ بیراق اوشبو وزیرلیک سۉزلاوچیسی آخوندزاده عبدالسلام جواد، ۱۴۰۳-ییلنینگ دستلبکی توقیز آییده افغانستان ۴۲ مینگ ۲۰۰ کیلوگرام زعفران صادر قیلگنینی اېتهدی.
اونگه کوره: «قویاش ۱۴۰۳-ییلنینگ دستلبکی توقیز آییده ۴۲ مینگ ۲۰۰ کیلوگرام زعفران و قریب ۲۹ میلیون ۵۸۸ مینگ دالر عوضی گه هندوستان، اسپانیا، سعودی عربستان، بیرلشگن عرب امیرلیگی، فرانسه، آسترالیا، تورکیه و باشقه بیرقطار مملکتلر گه صادر قیلینگن.»
شو بیلن بیرگه، زعفران ایتیشتیرووچیلر و صادر قیلووچیلردن بیرقطاری، اوتگن ییللر گه نسبتن اوشبو ییلده زعفران یخشی حاصل بیریب و صادرات رقمی کوپهیگنینی معلوم قیلهدیلر.
بیزلرنینگ «ایکس» ترماغی ده هم تعقیب قیلینگ!
زعفران دهقانی کمالالدیننینگ ایتیشیچه: «بو ییل، زعفران حاصلی قویاش ۱۴۰۲-ییل گه نسبتن ۲۵ فایز کوپهیگن؛ حاضرگچه مستقیم طرزده دنیا بازارلریگه یول تاپه آلگنیمیز یوق، چونکه هوا ویزهسیده قیینچیلیک بار و زمینیده هم شوندهی. ېنه هم بازار احوالی نسبتن یخشی دیر. حاضرگی کونده صادرات هم یخشی دیر، کتّه شرکتلر صادر قیلماقده.»
افغانستان زعفرانی اوتگن توقیز ییلده، بلجیمده خلقارا طعم و صفت انستیتوتی تامانیدن اېنگ یخشی زعفران تانیلگن.
افغانستانده زعفران ایکینی، بیرینچی بار هراتده باشلندی و حاضرگی کونده مملکتنینگ ۲۸ ولایتیده ایکیلماقده.
