خلقارا ییتکرمهلرنینگ گزارش بیریشیچه، حاضرگچه ایراننینگ اسرائیلگه اویوشتیرگن راکته هجوملری نتیجهسیده، کمیده ۴۰ کیشی یرهلنگن.
الجزیره آژانسی، بوگون (۲۴-جوزا، شنبه)، ایران آٰرقهلی اسرائیل بویلب نیچه حدودنینگ نشانگه آلینگنیدن خبر بیرگن.
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، تهران ده رسمی منبعلرنینگ اعلام قیلیشیچه، اسرائیلنینگ سونگی هجوملریده ۷۸ کیشی اولیب و ۳۲۰دن آرتیق کیشی یرهلنگن.
ایران رهبری سیدعلی خامنهای، اسرائیلنینگ هجوملریگه قرشی عکسالعمل بیلدیریب، بو مملکتنی «ایران گه قرشی هجوم جنایتی و نیچه ییریک حربی قوماندانی همده آلتیته هستهای عالملرنی اولدیرگنیدن کیین، قتیق جزالنتیریشنی کوتیب توریشی کیرهک.» دیب آگاهلنتیرگن.
بیزلرنینگ فیسبوک صحیفهمیزگه باش اورینگ!
باشقه بیر تاماندن، اسرائیل باشوزیری بنیامین نتانیاهونینگ اورغولشیچه، اوشبو مملکتنینگ حربی عملیاتی «کیرهک بولگن وقتگچه» دوام قیلیشی ممکن.
شونینگدیک اسرائیل اردوسی، ایراننینگ حربی جایلری و هستهای قوریلمهلریگه قرشی هجوملرینی دوام بیریشینی معلوم قیلگن.
