بیرلشگن ملتلر تشکیلاتیده ایران دایمی نمایندهسی امیرسعید ایروانی، ایران گه قرشی امریکا جمهور باشلیغی دونالد ترامپ تهدیدلری آشگنیدن تنقیدلب، بیرلشگن ملتلر تشکیلاتی باش کاتبی، خوفسیزلیک کینگشی و برچه اعضا مملکتلردن، اوشبو بیانات و تهدیدلرنینگ قارهلشلرینی ایستهگن.
ایروانینینگ اورغولشیچه، باش کاتبی و خوفسیزلیک کینگشی، بیرلشگن ملتلر تشکیلاتی منشوری اساسیده، زروهوانلیککه تشویش قیلیش برچه شکللری، کوچدن فایدهلنیشگه تهدید قیلیش و ایران ایچکی ایشلریگه امریکانینگ ارهلشووینی، قارهلش مسئولیتیگه ایگه دیر.
شونینگدیک ایران دایمی نمایندهسی، بیرلشگن ملتلر تشکیلاتیدن امریکا و اسرائیلنی برقرارسیزلشتیرووچی سیاست و حرکتلرنی تیزلیک بیلن توختهتیش همده اوز تعهدلرینینگ بوتونلی رعایت قیلیشلریگه مجبور ایتیشنی سورهگن.
اونینگ کوپهیتیریشیچه، آنتونیو گوترش و خوفسیزلیک کینگشی، امریکا آرقهلی عملگه آشیریلیشی ممکن بولگن هر قندهی احتمالی «تجاوزکار حربی حرکت» دن آگاهلنتیرسینلر.
امیرسعید ایروانی، شونینگدیک بیرلشگن ملتلر تشکیلاتیگه اعضا برچه مملکتلردن، تشویق قیلووچی یا-ده مسئولیتسیز بهالنهدیگن بیاناتلرنی بیریش یا-ده حرکتلرنی عملگه آشیریشدن واز کیچیشلرینی سورهگن.
ایران دهگی ناراضلیک نمایشلر، ارز قیمتینینگ جدی شکلده آشیشی و اونینگ تیریکچیلیک توغریسیدهگی توغری عاقبتلریگه عکسالعمل اولهراق باشلنگن. مذکور ناراضلیکلر جریانیده، خوفسیزلیک کوچلری و اعتراضچیلر آرهسیده اوروش یوز بیریب، منطقه و دنیا ده کینگ کولملی عکسالعمللر و خواطرلرگه سبب بولگن.
