«ههنگاو» بشری حقوق تشکیلاتی، ایران قماقخانهلریده افغانستانلیک ایکی کیشینینگ دارگه آسیلگنیدن خبر بیرگن.
ههنگاو، بوگون (۱۰-عقرب، شنبه)، بیر گزارش آرقهلی یازیشیچه، افغانستاننینگ مذکور ایکی یشاوچیسی «جنسی زورهوانلیککه» عیبلنگن ایکنلر.
گزارش اساسیده، افغانستانلیک اوشبو کیشیلرنینگ کیملیگی تصدیقلنمهگن و اولر اوتگن هفته چهارشنبه کونی، قزلحصار کرج قماقخانهسیده دار گه آسیلگنلر.
مذکور تشکیلات کوره، بیر کونده ایراننینگ بیر قطار قماقخانهلریده تورلی عیبلر بیلن توقیز کیشی دارگه آسیلگن.
شونینگدیک بوندن آلدین هم ههنگاو بشری حقوق تشکیلاتی، ایران میلادی جاری ییلنینگ کمیده سکیز آییده، افغانستانلیک قریب ۴۶ کیشینینگ دار گه آسگنیدن گزارش بیرگن ایدی.
