قاچقینلر قیینچیلیکلرینی حل قیلیش بوییچه عالی کمیسیوننینگ اعلام قیلیشیچه، بیر کونده ایران و پاکستان دن بیش مینگ ۷۰۳ افغانستانلیک قاچقین، مملکت گه قیتریلگن.
اسلام امیرلیگی سوزلاوچیسی اورینباسری حمدالله فطرت، بوگون (۱۲-میزان، شنبه)، اکس صحیفهسیده بیر بیانیه آرقهلی یازیشیچه، مذکور کیشیلر اوتگن کون افغانستان گه کیلگنلر.
بیانیه اساسیده، هرات ده اسلامقلعه چیگره قتناو یولیدن ۶۲۴ قاچقین شامل ۱۱۰ عایله و شونینگدیک نیمروز ده پلابریشم چیگره قتناو یولیدن ایسه ۸۹۲ قاچقین مملکت گه قیتگن.
شونینگدیک پاکستان دن اوچ مینگ ۱۴۰ قاچقین شامل ۸۹۲ عایله، قندهار ده اسپینبولدک قتناو یولی آرقهلی قیتریلگن. باشقه بیر مینگ ۴۷ قاچقین شامل ۲۴۲ عایله ننگرهار ده تورخم قتناو یولیدن افغانستان گه کیلگن.
بیانیهده کیلیشیچه، چیگره قتناو یوللرده افغانستانلیک قاچقینلرگه کیرهکلی خذمتلر و یاردملر کورسهتیلگن.
