قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده ۱۱ مینگ ۷۷۲ افغانستانلیکنینگ مملکت گه قیتریلگنینی معلوم قیلگن.
اوشبو کمیسیون، اوتگن کون (۱۲-عقرب، دوشنبه)، کیچ قورون بیر بیانیه آرقهلی اکس صحیفهسیده یازیشیچه، مذکور کیشیلر اوتگن کون هرات ده اسلامقلعه، نیمروز ده پل ابریشم، قندهار ده اسپینبولدک و ننگرهار ده تورخم چیگره قتناو یوللری آرقهلی افغانستان گه قیتگنلر.
قاچقینلر قیینچیلیکلرینی حل قیلیش بوییچه عالی کمیسیونینینگ کوپهیتیریشیچه، ایران و پاکستان دن قیتگن قاچقینلردن قطاریگه نقدی یاردم ترقهتیلگن.
ایران و پاکستان دن افغانستانلیک قاچقینلرنینگ قیتریلیشی دوام قیلماقده و کونده یوزلب کیشی مذکور ایکی مملکت بیلن بولگن چیگره قتناو یوللر آرقهلی افغانستان گه قیتهدیلر. خلقارا قاچقینلر تشکیلاتینینگ معلوماتی اساسیده، اوتگن ایکی ییلده تورت میلیوندن آرتیق کیشی ایران و پاکستان دن مملکت گه قیتگنلر.
