ایران مدافعه وزیرلیگی سوزلاوچیسی، واشنگتن تامانیدن تهران طلبلری انابت گه آلینمسلیگی، دونالد ترامپ حکومتی اوچون ینهده کوپراق مغلوبیتلر گه سبب بولیشی ممکن دیب آگاهلنتیردی.
ایران تسنیم آژانسی، بوگون (۲ جوزا/۲۳ می، شنبه) اوشبو مملکت مدافعه وزیرلیگی سوزلاوچیسی رضا طلایینیک که اساسلنیب ایتیشیچه، «ایران طلبلریگه اعتبارسیزلیک ترامپ اوچون ینهده کوپراق مغلوبیتلر گه سبب بولیشی ممکن.»
اونینگ تأکیدلشیچه، امریکا قوشمه ایالتلری جمهور باشلیغی دونالد ترامپ، ایران طلبلری و بو مملکت حقوقینی قبول قیلیش گه مجبور دیر.
پاکستان عملدارلری تهران و واشنگتن اورتهسیده صلح مذاکرهلری دوام ایتیشی و ایجابی نتیجه بیریشی اوچون سعی-حرکت قیلهیاتگن بیر پیتده، بوندهی سوزلر بیان قیلینگن.
شو بیلن بیرگه، امریکا ییتکرمهلری ترامپ حکومتی ایران گه ینه هجوم قیلیشنی تیکشیریش و تیارگرلیک کورهیاتگنی حقیده خبر بیرگنلر.
