افغانستان نینگ نیازمند یشاوچیلری گه یاردم بیریش اوچون بیرلشگن ملت‌لر تشکیلاتی نینگ بودجه‌سی کمه‌یشی بیلن، اقتصاد وزیرلیگی مسئوللری نینگ ایتیش‌لریچه، بیرلشگن ملت‌لر تشکیلاتی و خلق‌ارا یاردم بیرووچی نهاد‌لر افغانستان ده آستقورمه پروژه‌لری خصوصیده ایشلش بیلن، افغانستان اقتصادی ترقیاتی گه یاردم بیریش‌لری ممکن.
اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه: «همه‌میز بیله‌میز که، اوشبو یاردم‌لر نینگ صورت تاپگنی‌دن حاضرگجه، قشاق‌لیک خصوصیده هیچ قنده‌ی تاثیر قیلمه‌گن، انه شوو سبب حاضرگی شرایط‌ده اهالی گه ایش زمینه‌سی یره‌تیلیشی اوچون اقتصادی آستقورمه‌لر نینگ قیته توزه‌تیلشی گه نیازی‌میز بار.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، اقتصادی ایش بیلرمان‌لردن قطاری افغانستان ده بیرلشگن ملت‌لر تشکیلاتی نینگ یاردم‌لری کمه‌یگنی خصوصیده خواطر بیلدیریب و ایتیش‌لریچه، اوشبو ایش مملکت‌ده کم‌بغل‌لر سانی کوپه‌یشی گه سبب بولیشی ممکن.
اقتصادی ایش بیلرمان لعل زازی نینگ ایتیشیچه، یاردم بیرووچی نهاد‌لرده عیال‌لر ایشی توخته‌تیلگنی، افغانستان ده خلق‌ارا تشکیلات‌لر یاردم‌لری کمه‌یشی گه سبب بولگن.
جناب زازی نینگ کوپه‌یتیریشیچه: «انسان‌پرورلیک یاردم‌لر کمه‌یشی اقتصادی قیین‌چیلیک‌لر نی کوپه‌یتیره‌دی. اهالی اینیقسه ولایت‌لرده‌گی یشاوچیلر آزیق-آوقات‌لری نی انسان‌پرورلیک یاردم‌لر یولی آرقه‌لی تیارله‌یدیلر. اوشبو یاردم‌لر نینگ کمه‌یگنی صورت‌ده، آزیق-آوقات منبع‌سی نی قولدن بیره‌دیلر. حاضرگی شرایط‌ده اوشبو یاردم‌لر نینگ کم بولمه‌یشی اوچون سعی و حرکت قیلینیشی کیره‌ک.»
اقتصادی ایش بیلرمان‌لریدن باشقه بیری عبدالوافی نایب‌زی نینگ ایتیشیچه، یاردم بیرووچی نهاد‌لرده عیال‌لر ایشی توخته‌تیشی خصوصیده‌گی چیکلاو‌لر نینگ اورته‌دن کیتیشی بیلن، افغانستان ده انسان‌پرورلیک یاردم‌لر نینگ کوپه‌یشی ممکن.
بیزلرنینگ توییترده هم تعقیب قیلینگ!
جناب نایب‌زی نینگ کوپه‌یتیریشیچه: «بیرلشگن ملت‌لر تشکیلاتی یاردم‌لری نینگ کمه‌یشی بیلن، برچه بولیم‌لر زیان کوره‌دی. حکومت بیر حل یول تاپیشی کیره‌ک که، باشقه مملکت‌لر بیلن ملی ارزش‌لر گه زیان ییتیشمه‌سدن، انسان‌پرورلیک یاردم‌لر کوپه‌یسین. بو رقم افغانستان اقتصادی قوللشی‌دن توسیق بولینسین.»
عین حالده، بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری ینگی‌لیکده، ۲۰۲۳-ییل‌ده افغانستان گه یاردم بیریش بودجه، ۴.۶ میلیارد دالر‌دن ۳.۲ میلیارد دالر گه ییتگنی نی اعلام قیلگن. اوشبو تشکیلات یاردم بیرووچی نهاد‌لرده عیال‌لر ایشی خصوصیده‌گی چیکلاو‌لر، مذکور بودجه کم‌لیگی سبب بولگن اصلی عامل عنوان قیلگن.