افغانستان نینگ سیاسی تنزل گه یوز توتیشی گه علاوه، سیاسی_حقوقی توزیلمه‌لر یوق بولیب و مملکت اقتصادی قوله‌شی، اسلام امیرلیگی نینگ حاکمیت گه ایریشیش عامللریدن بولیب و ضررلی عاقبت‌لری ایکی ییل دن بیری، اولکه یشاوچیلری نینگ حیاتی اوستیگه سلبی تأثیر قیلگن.
ینگی‌لیکده، خلق‌ارا قیزیل خاچ کمیته‌سی اوز گزارشی ده، افغانستان برابری ده‌گی جهانی تحریم‌لر، اوشبو مملکت اهالیسی اقتصادی قیینچیلیک بیلن روپه‌ره بولیشی گه سبب بولگن‌لیگینی اعلام قیلگن. بیراق افغانستان یشاوچیلری نینگ اقتصادی قیینچیلیک بیلن روپه‌ره بولیشینی سرپرست حکومت اقتصاد وزیرلیگی هم تصدیقله‌یدی.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی نینگ سوزلاوچیسی عبدالرحمان حبیب گه کوره، سرپرست حکومت یشاوچیلر نینگ اقتصادی احوالی یخشی بولیش مقصدیده سعی‌وحرکت قیلماقده ایکن؛ بیراق افغانستان سرمایه‌لری موزله‌تیلیشی و بانکی قیینچیلیک‌لر، بو تلاش‌لر سیزیلرلی درجه ده نتیجه بیرمسلیککه سبب بولگن.
او نینگ کوپه‌یتیریشیچه: «تحریم‌لر سلبی تأثیر قیلگن، شونینگدیک افغانستان سرمایه‌سی مملکت اقتصادیاتی مهم فکتورلریدن سنله‌دی؛ موزله‌تیلیشی، مملکت اقتصادی و ایچکی ناخالص تولیدلر اوستیگه سلبی تأثیر قیلگن.»
اوتگن ایکی ییل ده، دنیا همجمعیت اسلام امیرلیگی رسمی‌لرینی تحریم قیلیش گه علاوه، افغانستان گه انسان پرورلیک یاردم‌لری بیلن، یشاوچیلر نینگ اقتصادی قیینچیلیک بیلن روپه‌ره بولمسلیکلری اوچون تلاش قیلگن بولسه ده؛ لیکن بو یاردم‌لر مملکت یشاوچیلری نینگ اقتصادی قیینچیلیگی حلی اوچون نتیجه بیرمه‌گن.
ایش بیلرمان‌لر نینگ ایشانچی گه کوره، اسلام امیرلیگی حاکمیتیدن کیین، افغانستان عادی اهالیسی جهانی تحریم‌لر سلبی عاقبت‌لری بیلن روپه‌ره بولیش گه سبب بولگن.
بیزلرنینگ توییترده هم تعقیب قیلینگ!
سیاسی ایش بیلرمان طارق فرهادی نینگ ایتیشیچه: «افغانستان گه هیچ قنده‌ی تحریم یره‌تیلمه‌گن، افغانستان بیلن هر کیم تجارت قیلماقچین بولسه قیله آله‌دی، بیراق سرپرست حکومت اعضالریدن قطاری اوزاق دن بویوک اولکه‌لر و کمپنیه‌لر تامانیدن تحریم بولگن.»
شونینگدیک، اقتصادی ایش بیلرمان نصیر رشتیا گه کوره: «ترقیاتی پروژه‌لر ایشی عملگه آشیریلیب و قیینچیلیک‌لر حلی اوچون اسلام امیرلیگی حکومتی تلاش قیلیشی کیره‌ک و حکومت نینگ ریجه‌لری و اقتصادی مهم استراتیژی‌لری بولیشی لازم.»
عین‌حالده، سونگی کون‌لرده خلق‌ارا تشکیلات‌لر آرقه‌لی افغانستان گه انسان پرورلیک یاردم‌لر کمه‌یشی گه دایر کیتمه_کیت گزارش‌لر ترقه‌لماقده دیر.
