غور ده چاروه‌چیلردن قطاری‌نینگ ایتیشلریچه، هوا اوزگریشلری و اونینگ عاقبتلری طفیلی اوشبو ولایتده ییلاولر قوریب و اولر چاروه‌لری‌گه اوت تیارلش توغریسیده قیین‌چیلیک بیلن روپه‌ره‌لر.
غور ده چاروه‌چیلردن محمدنسیم‌نینگ ایتیشیچه، اوت یوقلیگی سبب چاروه‌لری‌دن بیر قطاری‌نی آز قیمت‌گه ساتگن. اونینگ کوپه‌یتیریشیچه: «حیاتی‌میز اوشبو چاروه‌لرگه تیگیشلی دیر و باشقه درآمدیمیز یوق. باش ییل‌لرده چاروه‌لریمیز‌نینگ گوشتی و شونینگدیک قیمتی یخشی ایدی؛ بیراق ایکی-اوچ ییل‌دن بیری قوروق‌چیلیک بولگن و هیچ کیم چاروه آلیش‌گه حاضر ایمس.»
بیزلرنینگ «ایکس» ترماغی ده هم تعقیب قیلینگ!
غور ده‌گی چاروه‌چیلردن باشقه بیری میراحمد‌نینگ ایتیشیچه، چاروه‌لر آره‌سیده کسل‌لیکلر ترقه‌لیشی و اولرگه اوت کملیگی، درآمدی‌نی کمه‌یتیرگن. «ییل‌لردن بیری چاروه‌چیلیک بیلن شغللنگن‌مین. قوروق‌چیلیک کیلیب و سیگیرلریمیزدن کوپ قطاری تلف بولگن؛ ترقک کسل‌لیگی کیلیب و شونینگدیک اوت آز دیر.»
مذکور چاروه‌چیلر، سرپرست حکومت و خلق‌ارا نهاد‌لردن ایشلری‌نینگ دوام قیلیشی مقصد اولردن حمایت بولینیشی‌نی ایسته‌گنلر.
باشقه بیرتاماندن، غور ایکینچیلیک، سووغاریش و چاروه‌چیلیک ریاستی‌ده مسئوللر‌نینگ ایتیشلریچه، بیرقطار برنامه‌لرنی اوتکزیش بیلن بو ولایت‌‌ده‌گی ییلاولردن کوپ قطاری‌نینگ اورتهدن کیتیشی آلدی آلینیشی توغریسیده سعی‌وحرکت قیلماقده‌لر.
اوشبو ریاست‌نینگ ییتکرمه‌لر مسئولی ضیاءالحق جویا‌نینگ ایتیشیچه، چاروه‌چیلرنی قوللب-قوتلش اوچون اولردن قطاری‌گه حیوانی آذوقه‌سی ترقه‌تیلگن. «لایحه‌لر عمل‌گه آشیریلشی، ییلاولر تنظیم‌لنیشی، اهالی‌گه آگاهی‌لیک بیریش و ییلاولرنی سقلش و قیته قوریش، ییلاولرنی سقلش و مدیریت قیلینیشی ساحه‌سیده عمل‌گه آشیریلگن برنامه‌لری‌نینگ بیر بولیمی ایکن.»
شونینگدیک غور اطراف-محیط اداره‌سی باشلیغی فدامحمد عمار‌نینگ ایتیشیچه، هوا اوزگریشلری عاقبتی بیلن قرشی کوره‌ش اوچون آگاهی‌لیک بیریش برنامه‌لری اوتکزیلگن. «ییلاولرنی قیته قوریش مقصد مسجد امام‌لری، قوم بویوک‌لری و اطراف-محیط توغریسیده گونیللی ایشله‌یدیگنلرنی جذب قیلیش آرقه‌لی، آگاهی‌لیک بیرگن‌مین؛ ییلاولر اورتهدن کیتیشی آلدینی آلیش اوچون سعی‌وحرکت قیلگن‌میز.»
بیزلرنینگ فیسبوک صحیفه‌میزگه باش اورینگ!
چاروه‌چیلیک بوییچه ایش بیلرمان عبدالظاهر توانا، افغانستان اینیقسه غور ده هوا اوزگریشلری بحرانی درست مدیریت بولیشی‌گه تاکید قیلگن. «اهالی‌گه آگاهی‌لیک بیریش و طبیعی منبع‌لردن فایده‌لی شکلده فایده‌لنیش اوچون جمعیت‌نی ییغیش، درختلرنی کیسمسلیک و ییلاولرنی ایکینچیلیک ییرلرگه اوزگرمسلیک، اوسیم‌لیک‌لرنی کیسمسلیک، طبیعی منبع‌لرنی قیته قوریب و هوا اوزگریشلری عاقبتلری آلدینی آله‌یلیک.»
افغانستان نیچه ییل‌دن بویان کیت‌مه-کیت قوروق‌چیلیکلرنی تجربه قیلماقده و بو قوروق‌چیلیک ییلاولرنینگ اورتهدن کیتیشی‌گه سبب بولگن.
