خلقارا قاچقینلر تشکیلاتینینگ گزارش بیریشیچه، اوتگن بیر هفتهده ایران دن حجتسیز ۸۸ مینگ ۳۰۸ افغانستانلیک قاچقین چیقریلگن که، اولردن کوپینچهسینی عایلهلر تشکیل بیرهدی.
مذکور تشکیلات، ۶-سرطان، جمعه کونی هفتهلیک گزارشینی ترقهتیب یازیشیچه، بودجه کملیگی سبب، مملکتگه قیتگنلردن یالغیز ۱۱ فایزیگه یاردم بیره آلگنلر.
بیزلرنینگ فیسبوک صحیفهمیزگه باش اورینگ!
گزارشده کیلیشیچه، سونگی هفتهده قیتریلیشلردن ۵۵ فایزی جبری و قیتگنلردن ۶۴ فایزی عایله اعضالری ایکنلر.
خلقارا قاچقینلر تشکیلاتینینگ معلوماتی اساسیده، ۲۰۲۵-ییل باشلنگنیدن حاضرگچه ۵۷۷ مینگدن آرتیق حجتسیز افغانستانلیک قاچقین ایران دن چیقریلیب و افغانستان گه قیتریلگن. اوشبو تشکیلاتنینگ کوپهیتیریشیچه، بو کیشیلردن ۷۱ فایزی جبری شکلده چیقریلیب، اسلامقلعه و میلک قتناو یوللریدن مملکت گه قیتگنلر.
بیزلرنینگ «ایکس» ترماغی ده هم تعقیب قیلینگ!
مذکور تشکیلاتنینگ آگاهلنتیریشیچه، چیگره قتناو یوللریده قاچقینلر نیازلرینی حل قیلیش امکانیتی جدی شکلده کمهیب و بار منبعلر ایسه، نیازمندلردن کوپ کم فایزینینگ احتیاجلرینی حل قیله آلهدی.
خلقارا قاچقینلر تشکیلاتینینگ اورغولشیچه، مالی منبعلرنینگ تیزلیک بیلن تامینلنمهگنی صورتده، جبرلنهدیگن قاچقینلردن قطاری جمعیتگه قیته قوشیلیش اوچون ضروری یاردملرنی قولگه کیلتیرمهی، جدی خوفلر بیلن روپهره بولیشی ممکن.
