ییل بویلب، ۳- دسمبر کونیدن، ناگرانلر خلق‌ارا کونی اوله‌راق نشانلنه‌دی. کوپینچه‌لرنی ایشانچی گه کوره، بو کوندن نشانلش، جماعه نینگ بو قشری آره‌سیده‌گی قابلیت‌لرنی تانیلیشی اوچون اونملی دیر.
کابل یشاوچی‌سی حسینا نینگ سلام‌وطندار گه ایتیشیچه، ۲۵ یاشر بیر ایناغه‌سی بیلن ایکی سینگیلیسی اوروش‌لر نتیجه‌سیده ناگران بولگن.
حسینا نینگ ایتیشیچه: «عایله‌م‌ده اوروش‌لر طفیلی اوچ کیشی ناگران بولگن و اقتصادی قیین‌چیلیک بیلن روپه‌ره‌میز. قیزیل خاج کمیته‌سی ایناغم نی آلیب کیت‌دیلر؛ بیراق حاضرگچه یاردم بیرمه‌گنلر.»
بیزلرنینگ توییترده هم تعقیب قیلینگ!
۲۵ یاشر عبدالباسط، کابل شهری نینگ سرک‌لری‌ده عایله نفقه‌سی نی تاپیش اوچون موبایل کارتی نی ساته‌دی. باسط ایکی ایاغ‌دن معیوب دیر و یوریه‌آلمه‌یدی. عبدالباسط نینگ ایتیشیچه، خصوصی بیلیم یورت‌لردن بیریده تعلیم کوریشی نی بیلدیرگن.
اونگه کوره: «ناگران کیشی‌لر کوپینچه اقتصادی قیین‌چیلیک بیلن روپه‌ره‌لر و شونینگدیک اولر گه ایش و تعلیم زمینه‌سی هم فراهم ایمس. اسلامی امارت‌دن ناگران کیشی‌لر گه ایش زمینه‌سی یره‌تیلیشی نی ایسته‌گن.»
شونده‌ی بیرحالده، بیرلشگن ملت‌لر تشکیلاتی نینگ انسان‌دوستلیک یاردم‌لر هماهنگ قیلووچی دفتری یا-ده اوچا نینگ ایتشیچه، افغانستان جمعیتی‌دن ۱۵ فایزی، ناگران بولگن‌لری و شونینگدیک انسان دوست‌لیک یاردم‌لر گه قول تاپه آلمه‌یش‌لری تخمین اوریله‌دی.
بیراق ناگرانلر وشهید‌لر وزیرلیگی سوزلاوچیسی فیصل خاموش نینگ ایتیشیچه، ۱۵۰ مینگ ناگران اوشبو وزیرلیک‌ده ثبت بولیب و اولر نینگ حقلری ایسه توللنگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بیرلشگن ملت‌لر تشکیلاتی نینگ باش کاتبی آنتونیو گوترش، ناگرانلر خلق‌ار کونی مناسبتی گه ایتگن که، دنیا بیر قطار قیین‌چیلیک بیلین روپه‌ره دیر که بولردن هر بیری ناگران کیشی‌لر گه تاثیر قیله‌دی.
بیرلشگن ملت‌لر تشکیلاتی نینگ باش کاتبی آنتونیو گوترش بیر توییت آرقه‌لی، فایده‌لنیشی ممکن و برابر بیر دنیا توزه‌تیشلی اوچون قرار آلیش پروسه‌لریده ناگرانلر گه حق بیریلیشی نی کیره‌کلی عنوان قیلگن دیر.
