افغانستان نینگ تورلی ولایت‌لریده ایجادکار ییگیت‌لردن بیرقطاری، کوپینچه میکانیکی جهازلرنی تیارله‌گن بولسه‌لرده؛ بیراق عملگه آشیریش اوچون اقتصادی قیینچیلیک بیلن روپه‌ره‌لیک‌لرینی اېته‌دیلر.
میدان‌وردک یشاوچیسی ۲۲ یاشر سیلون، آز امکانیت بیلن کیچیک رادیو توزه‌تگن ایتیشیچه، امکانیتی کوپ بولگن حالده زمانه‌وی رادیولر نینگ توزه‌تیشی ممکن. اونینگ کوپه‌یتیریشیچه: «امکانیتی‌میز یوق؛ بیز گه یاردم و امکانیت بیریلسه؛ بوتون ولایت‌لرده آله‌دیگن زمانه‌وی رادیولرنی توزه‌تیشیم ممکن.»
کابل‌لیک صابر رضایی گه کوره، آز امکانیت بیلن نقلیه واسطه‌سی توزه‌تیش ریجه‌سینی نهایی قیلگن؛ بیراق اقتصادی قیینچیلیک طفیلی عملگه آشیره آلمه‌یدی. «بیر موترسایکل توزه‌تگن من؛ ایکّینچی، آهن‌ربا آرقه‌لی برق ایشلب چیقره‌دیگن داینمو توزه‌تگن من؛ موترسایکل نی اۉز پولیمدن ۴۵ کون ایچیده توزه‌تدیم.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری حیات‌الله، قریب ۳۵ تورلی حربی و ایکینچیلیک اوسکونه توزه‌تگنینی اېته‌دی. اونینگ کوپه‌یتیریشیچه: «دولت دن ایجادکار ییگیت‌لر گه امکانیت و قولی‌لیک یره‌تیب و اوسکونه‌لردن بیرقطارینی توزه‌تیش اوچون اۉزلرینی تأمینلش مقصدیده اولرنی قۉللب-قوتلشینی اېسته‌یمیز.»
آز امکانیت بیلن اوچووچی‌سیز اوچاق توزه‌تگن توکل‌خان گه کوره، قۉللب-قوتلنگن حالده بو کبی زمانه‌وی اوچووچی‌سیز اوچاق‌لرنی توزه‌تیشی ممکن. اونینگ ایتیشیچه: «بو توزه‌تگن اوچووچی‌سیز اوچاق ایکّی کیلومتر اوچه آله‌دی؛ اساسی قیینچیلیگی‌میز امکانیت یوق‌لیگی دیر؛ زمانه‌وی تکنالوژی معلوماتی اوسکونه‌لردن قوللنه آلمه‌یمیز شونی اوچون توزه‌ته‌دیگن اوسکونه‌لرنی توزه‌تیش ده قیینچیلیک بیلن روپه‌ره بوله‌میز.»
ایجادکار بو ییگیت‌لر، سرپرست حکومت و خلق‌ارا نهادلردن ایشلری رواجلنیشی اوچون کېره‌کلی نرسه‌لرنی یاردم بیریش‌لرینی اېسته‌یدیلر.
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، تخنیکی و مسلکی تعلیمات اداره‌سی سۉزلاوچیسی محمدعثمان الماس، ایجادکار کیشی‌لر نینگ لایحه‌لری عملگه آشیریلیشی اوچون بو اداره قریب ایکّی میلیون افغانی‌لیک تخنیکی اوسکونه ساتیب آلگن. «اوشبو ییلده بو اداره نینگ نوآورلیک مرکزی ده قریب ایکّی میلیون افغانی گه اوسکونه ساتیب آلدیک و بو ایجادکار ییگیت‌لر نینگ لایحه‌لرینی عملگه آشیریش گه یاردم بیره‌دی.»
تخنیکی و مسلکی تعلیمات اداره‌سی، ایجادکار ییگیت‌لر نینگ اوسکونه‌لرینی تیارلش اوچون سکتوری نهادلر بیلن شرطنامه‌لر امضاله‌گن بیرحالده، بو ییگیت‌لر امکانیت‌لری یوق‌لیگی و اقتصادی قیینچیلیک بیلن روپه‌ره اېکنلریدن نالیماقده‌لر.
