هندوستان تشقی ایشلر وزیرلیگی، ۱۵-جدی، شنبه کونی بیر بیانیه ترقه‌تیش بیلن ایتیشیچه، ینگی دهلی ده اوشبو مملکت تشقی ایشلر وزیری اورین‌باسری ویکرام میسری، ایران تشقی ایشلر وزیری اورین‌باسری مجید تخت روانچی بیلن اوچره‌شگنی‌ده، افغانستان بیلن منطقه‌نینگ سوداگرلیک علاقه‌لری کوچه‌یشی، اقتصادی ترقیات و قیته قوریلیش‌دن حمایت قیلیش مقصد چابهار بندری کوچه‌یشی و رواجلنیشی خصوصیده تاکید قیلگن.
شونده‌ی بیرحالده، افغانستان سودا و سرمایه یاتقیزیش اتاقی مسئوللری‌نینگ سلام‌وطندار گه ایتیشلریچه، منطقه‌ده افغانستان‌نینگ تجاری-ترانزیتی قتناو یول‌گه اوزگریشی اوچون، آست‌قورمه‌لر‌نینگ رواجلنتیریلیشی و ستندرد‌لنتیریلیشی کیره‌کلی و اونملی آدیم دیر.
بیزلرنینگ «ایکس» ترماغی ده هم تعقیب قیلینگ!
افغانستان سودا و سرمایه یاتقیزیش اتاقی‌نینگ بورد هیئت عضوی خان‌جان الکوزی‌نینگ ایتیشیچه: «افغانستان برچه زمینه‌لر یره‌تیلگن؛ فساد یوق و امنیت تامین‌لنگن. اوشبو مملکت‌ده قیسی حقوقی و قانونی قیین‌چیلیک یوق؛ یوقاری ضمانت بیلن افغانستان گه اوز توارلری‌نی کیلتیره آله‌دیلر و شونینگدیک مرکزی آسای و او ییردن هندوستان و باشقه بیر قطار مملکت‌لر گه آلیب کیته آله‌دیلر. افغانستان اوچون تیمیر یوق یوق. حاضرگچه شمال و کابل‌گچه سرک‌لر نرمال دیر؛ بیراق افغانستان ده دنیا ستندرد‌لری گه ماس ایمس، چونکه اوروش بولگن.»
اقتصادی مسئله‌لر بیلرمانلریدن قطاری‌نینگ ایتیشلریچه، هندوستان چابهار بندری‌نینگ رواجلنیشی بیلن اورته آسیا و افغانستان بازارلری‌گه قول تاپیب، پاکستان‌نی اوزاق‌لشتیریب و منطقه ده سیاسی و اقتصادی اورین‌نی کینگه‌یتیرماقچین دیر.
اقتصادی مسئله‌لر بیلرمانلریدن محمدنبی افغان و سیلاب سمندر‌نینگ ایتیشلریچه، اسلام امیرلیگی منطقه‌ده‌گی جاری فرصت‌لر و سعی‌وحرکت‌لردن فایده‌لنیب، ستندرد آست‌قورمه‌لر یره‌تیلیشی و کوچه‌یتیریلیشی بیلن، افغانستان‌نی منطقه‌ده تجاری-ترانزیتی قتناو یول‌گه اوزگرتیره آله‌دی.
محمدنبی افغان‌نینگ کوپه‌یتیریشیچه: «چابهار یولی‌دن بیز بعضی مملکت‌لر‌نینگ منطقه‌یی اقتصادی انحصاری‌دن قوتیله آله‌میز؛ اوز اقتصادی‌‌میزنی یخشی‌لنتیره آله‌میز؛ تجاری علاقه‌لریمیز‌نی کوچه‌یتیره آله‌میز؛ دنیا بیلن بیر آلدیم یقین‌لشه آله‌میز و بو افغانستان اوچون یخشی بیر فرصت و یوتوق دیر. اسلام امیرلیگی مملکت‌لر‌نینگ خواطرلری برابریده بیر قطار ایشانچ‌لرنی بیریشی کیره‌ک؛ افغانستان ده فرصت‌لر و زمینه‌لر‌نینگ فعال بولیشی کیره‌ک.»
بیزلرنینگ فیسبوک صحیفه‌میزگه باش اورینگ!
شونینگدیک سیلاب سمندر‌نینگ کوپه‌یتیریشیچه: «چابهار بندری افغانستان اوچون ایران و هندوستان مملکت‌لری یاردمی بیلن افغانستان‌نی اقتصادی قیین‌چیلیک‌دن قوتقره آلدی که پاکستان آرقه‌لی یره‌تیلگن ایدی. افغانسان‌نینگ اقتصادی علاقه‌لری کوچه‌یشی اوچون هندوستان و ایران تامانیدن اقتصادی ییغین‌لر و اوچره‌شوولر، افغانستان‌نینگ تجارتی کوچه‌یشی و اقتصادی منفعتی‌گه بوله آله‌دی؛ انه شوو سبب آست‌قورمه‌لر‌نینگ رواجلنیشی کیره‌ک.»
هندوستان، ایران و افغانستان، سکیز ییل آلدین چابهار بندری رواجلنیشی و بو بندر‌نینگ سوداگرلیک علاقه‌لری کوچه‌یشی مقصد، اوچ تامانلمه کیلیشوونامه‌نی امضا قیلگنلر. ایران‌نینگ جنوب‌شرقی‌ده جایلشگن چابهار بندری، افغانستان‌نی عدن خلیجی و عرب دریاسی آرقه‌لی هندوستان اقیانوسی‌گه باغله‌یدی.
