اسلام امیرلیگی قاچقینلر وزیرلیگینینگ اعلام قیلیشیچه، هندوستان طبیعی واقعهلردن جبرلنگن کیشیلرگه بیر مینگته خیمه یاردم بیرگن.
مذکور وزیرلیک، بوگون (۱۰ سنبله، دوشنبه)، بیر بیانیه ترقهتیب یازیشیچه، کابل ده هندوستان ایلچیخانهسی مسئوللری اوشبو یاردمنی قاچینلر وزیرلیگیگه تاپشیرگنلر.
قاچقینلر وزیرلیگینینگ مالی و اداری ریاستینینگ توارلر و محاسبه بوییچه عمومی مدیری عبدالغفار انصارینینگ ایتیشیچه، بو خیمهلر طبیعی واقعهلرده زیان کوریب و یامان وضعیتده قرار تاپگن عایلهلرگه ترقهتیلهدی.
شونینگدیک هندوستان بوندن آلدین هم، افغانستان ده آواره بولگنلر و مملکت گه قیتریلگنلرگه، انسانسیورلیک یاردملر بولیمیده همکارلیک قیلگن.
اوتگن کیچه افغانستان شرقیده اولیملی زلزله یوز بیریب و اونینگ نتیجهسیده، نیچه ولیاتده یوزلب یشش اوینینگ بوزیلگنی بیرحالده، بو یاردملر صورت تاپگن.
