خلقارا یېتکرمهلرنینگ معلوماتی اساسیده، هندوستان ۱۶-ثور، سهشنبهدن چهارشنبه گه اوتر کیچه پاکستاننینگ بیرقطار شهرلریگه راکته آرقهلی هجوم قیلگن.
معلوماتلر اساسیده، هندوستان اردوسی پاکستاننینگ بعضی منطقهلریده اویوشتیرگن راکته هجومیده ۸ تینچ اهالی هلاک بولیب و باشقه کمیده ۳۵ کیشی یرهلنگن.
بیزلرنینگ فیسبوک صحیفهمیزگه باش اورینگ!
اوشبو مملکت باش وزیری شهباز شریف، اوتگن کیچه بیر بیانیه ترقهتیب هندوستان اردوسی پاکستانده بیش منطقهنی نشانگه آلگن و بو مملکت حربی کوچلریهم بو هجوملر گه جواب قیتریش گه باشلهگنینی بیلدیرگن.
امریکا قۉشمه ایالتلری جمهور باشلیغی دونالد ترامپ هم، هندوستان و پاکستان اورتهسیدهگی ینگی تارتیشوولر، هندوستان اردوسینینگ پاکستان بعضی منطقهلریگه راکته هجوملرینی «شرمندهلیک» اتهگن.
ترامپ، اوتگن کون آقسرایده امریکا مخصوص وکیلینینگ آنت ایچیش مراسمیده، منطقهده اوروش باشلنگنیدن نیچه ساعت آلدین خبر بولگنینی بیلدیرگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی باش کاتبی آنتونیو گوترش، هندوستاننینگ پاکستان بعضی منطقهلریگه حربی عملیاتی گه مناسبت بیلدیریب و بو ایکّی مملکتدن تیزلیک بیلن حربی اقداملرینی توختهتیشنی اېستهگن.
هندوستان و پاکستان اورتهسیدهگی کېسکینلیک میلادی ۲۰۲۵-ییل، ۲۲-اپریل هندوستاننینگ کشمیر و جامو ایالتیده جایلشگن پهلگام منطقهسیگه اویوشتیریلگن بیر هجومده ۲۶ کیشینینگ اولگنیدن کېین بو راکته هجوملر اویوشتیریلگن. بو هجوم کشمیر ده سونگی ییللرده یوز بیرگن اینگ قانلی هجوملردن حسابلنهدی.
