غور ده هوا ایسیقلیگی آشگنی و یشش محیط افلاسلیگی باشقه قیینچیلیکلرگه سبب بولیشی یانیده، مذکور ولایتده بالهلر آرهسیده ایچکیتمهگه چلینیش سانینی هم کوپهیتیرگن. غور ده ساغلیقنی سقلش مسئوللرینینگ ایتیشلریچه، کونده اونلب باله تورلیخیل ایچکیتمه کسللیگیگه چلینیش طفیلی ولایتی کسلخانه گه آلیب باریلهدی.
غور مرکزی فیروزکوه شهریده هوا درجهسی، حاضرگی کونلرده عادی شکلده ۳۶ درجه سانتیگراددن یوقاری دیر. مذکور شهر یشاوچیلرینینگ ایتیشلریچه، هوا افلاسلیگی بیلن بیرگه قوروق و کویدیرهدیگن ایسیقلیک، اهالی آرهسیده تورلیخیل کسللیکلر اینیقسه بالهلر آرهسیده ایچکیتمه کسللیگی کوپهیشیگه سبب بولگن. فیروزکوه شهری یشاوچیسی صبور سرودنینگ ایتیشیچه: «هوا جودهیم ایسیق بولگن و بالهلر هیچ ساغ ایمس، یا ایچکیتمه بولهدیلر یا-ده قیترهدیلر. ایسیقلیک اوچون هیچ راحت نفس آلالمهیمیز.»
بیزلرنینگ «ایکس» ترماغی ده هم تعقیب قیلینگ!
شونینگدیک بالهسینینگ دوالنیش مقصد غور ولایتی کسلخانهسیگه آلیب بارگن فیروزکوه شهری یشاوچیلریدن بیری محمدنینگ ایتیشیچه، هوا ایسیقلیگی و ایچیملیک سوودن فایدهلنه آلمسلیک، بالهلرنینگ ایچکیتمهگه چلینیش خوفی آستیده قرار تاپشیگه سبب بولگن.
موسومی کسللیکلر بیلن یاز ایسیقلیگی، غور یشاوچیلری اینیقسه بالهلر ساغلیگینی تهدید قیلهدی که بو تهدیدنی، ولایتی کسلخانهده کوریش ممکن. اتاقلردن بیریده خواطرلی بیر سیما بیلن بیبینظیره اسملی بیر عیال، رنگی اوچگن و نیچه کوندن بیری جدی ایچکیتمه گه چلینیش سبب اییش و ایچیش امکانیتینی قولدن بیریگن بالهسینی قوچاغیگه آلیب اولتیرگن. بیبینظیرهنینگ ایتیشیچه: «ایکیزگ بیر بالهم بار؛ اولردن بیرتهسی کوپ قیتریب و ایچکیتمه ایدی و بیر کیچهوکوندوزدن بیری کسلخانهگه بستر دیر و حاضرگچه ساغهیمهگن.»
غور ولایتی کسلخانهسیده مسئوللر، بالهلر آرهسیده تورلیخیل ایچکیتمه کسللیگی ترقهلگنی سببینی ایسیقلیک و هوا افلاسلیگی دیب و ایتیشلریچه، کونده ۲۰-۲۵ کسل دوالنیش مقصد بو مرکز گه مراجعت قیلهدی.
غور ولایتی کسلخانهسی باش شفاکاری محمدنصیر پارسا، مراجعت قیلگنلرنینگ اوچ آیلیک رقمیگه تیگیشلی ایتیشیچه: «ایچکیتمه گه چلینگن ۳۲۳۵ کسلدن، ۵۰۹ کسل سویوق ایچکیتمه و ۲۵۲۶ کسل ایسه آغیر ایچکیتمه گه چلینگن که دوالنیب و اولردن مراقبت بولگن و قیغو بیلن ۲۰۰ کسل هم قانلی ایچکیتمه گه چلینگن ایدی و اوتگن اوچ آیده کسلخانه گه مراجعت قیلگنلر.»
غور ولایتی کسلخانهسیدهگی شفاکارلردن فضلالحق فرجاد، هوا افلاسلیگی و ایچیملیک سوودن فایدهلنه آلمسلیکنی بو ولایتده تورلیخیل ایچکیتمه گه چلینیش عامللری دیگنلر. «غور ولایتی اینیقسه شهر اطرافیده کوپراق هوا افلاسلیگی و ایچیملیک سوودن فایدهلنه آلمسلیک موضوعسی ایتیلهدی. قیغو بیلن نل تارتیلگن منطقهلرده سوو منبعلری و ذخیرهلریگه منظم شکلده کلورین سیپیلمهیدی.»
بیزلرنینگ فیسبوک صحیفهمیزگه باش اورینگ!
شوندهی بیرحالده، غور ساغلیقنی سقلش باشلیغی عبدالواحد حماسنینگ ایتیشیچه، مذکور ولایتنینگ شهر و تومنلری بویلب ساغلیقنی سقلش تیملری کیچهوکوندوز برچه کسللر اینیقسه ایچکیتمه گه چلینگنلر گه ییتیشیش مقصد، فعالیت قیلهدیلر.
غور ده مسئوللر و شفاکارلرنینگ ایتیشلریچه، ایچکیتمه کسللیگیگه چلینیشنینگ آلدینی آلیش توغریسیدهگی اینگ درست یول، قوللرنینگ درست شکلده یوویش، ساغلام آوقتلنیش، پاک سوودن فایدهلنیش و افلاسلنگن محیطلردن ازواق بولیش دیر.
