غزنی ده بیر توی مراسمیده آزیق-آوقتدن زهرلنیش نتیجهسیده، عیاللر و بالهلر شامل ۴۶ کیشی کسلخانه گه انتقال بیریلگن. غزنی ساغلیقنی سقلش مسئوللرینینگ ایتیشلریچه، مذکور واقعه اوتگن کونی آببند تومنینینگ «ککره» قیشلاغیده یوز بیرگن.
افغانستانده بیرلشگن ملتلر تشکیلاتی اورین باسرلیک هیئت ادارهسی (یوناما) بیرلشگن ملتلر تشکیلاتی عمومی مجموعهسی بوگون افغانستان بارهسیده ییغیلیش اۉتکزیشینی معلوم قیلگن. اوشبو ییغیلیش، افغانستان وقتی بیلن شام پیتی ساعت ۶:۳۰ ده اۉتکزیلیشی کوتیلهدی.
بلخ اقتصاد ریاستینینگ اعلام قیلیشیچه، مذکور اداره هماهنگلیگی بیلن «حرکت» موسسهسی آرقهلی اوشبو ولایت «شولگره» تومنیده، ۱۵۹ نیازمند عایله گه چاروه و حیوانی آزوقه ترقهتیلگن.
جوزجان ده برق ییتکزیش (برشنا) شرکتی مسئوللرینینگ ایتیشلریچه، اوشبو ولایت خواجه دوکوه تومنینینگ «شکرک بازار» قیشلاغیده، مذکور شرکتنینگ رواجلنیش برنامهلری دایرهسیده ۴۰ کیلووات امپیرلیک بیر ترانسفرمر قوریلیب و فایدهلنیشگه تاپشیریلگن.
ایچکی ایشلر وزیرلیگی سرپرستی سراجالدین حقانی، اوشبو وزیرلیکنینگ برچه پولیس کوچلری تعیینلنگن قاعدهلر اساسیده، رسمی کییم کییش بویروغینی بیرگن.
فلسطین ساغلیقنی سقلش رسمیلری، اوتگن ۲۴ ساعت ایچیده غزه مقیاسیده اسرائيل اردوسینینگ هجوملری عاقبتیده چمهسی ۸۲ کیشی قربان بولیب و باشقه اونلب کیشی یرهلنگن. الجزیره، بوگون (۱۶-سرطان، دوشنبه) ترقهتگن گزارشیده ۱۰ قربان بولگن کیشی انسان سیورلیک یاردم آلیش صفتیده توختهگن و اسرائیل اردوسی تامانیدن آتیب اولدیریلگن فلسطینلیک بولگنینی معلوم قیلگن.
امریکا قۉشمه ایالتلرینینگ جمهور باشلیغی دونالد ترامپ، بوگون (۱۶-سرطان، دوشنبه) آق سرایده اسرائیل باش وزیری بنیامین نتانیاهو بیلن اوچرهشووی کوتیلهدی. خلقارا یېتکرمهلرنینگ معلوماتی اساسیده، ترامپ قریب آلتی آی اول آق سرای گه قیتگنیدن بیری، بو نتانیاهو بیلن اوچینچی ملاقاتی دیر.
غور ده هوا ایسیقلیگی آشگنی و یشش محیط افلاسلیگی باشقه قیینچیلیکلرگه سبب بولیشی یانیده، مذکور ولایتده بالهلر آرهسیده ایچکیتمهگه چلینیش سانینی هم کوپهیتیرگن. غور ده ساغلیقنی سقلش مسئوللرینینگ ایتیشلریچه، کونده اونلب باله تورلیخیل ایچکیتمه کسللیگیگه چلینیش طفیلی ولایتی کسلخانه گه آلیب باریلهدی.
معارف وزیرلیگینینگ ایتیشیچه، کابل ده بیر یشاوچی آرقهلی بیر اورته مکتبگه ۴۰۰ مینگ افغانیلیک تعلیمی جهازلر ساوغه قیلینگن.
امریکانینگ تگزاس ایالتیده یوز بیرگن سوو تاشقینلر قربانیلری سانی ۷۸ کیشیگه ییتیشگن. خلقارا ییتکرمهلرنینگ گزارشی اساسیده، اولگنلر آرهسیده ۲۸ باله هم شامل بولیب و شونینگدیک یوقالگن کیشیلرنی تاپیش اوچون قیدیریش عملیاتینینگ دوامی بار.
هرات معلومات و مدنیت باشلیغی و مهاجرلر ایشلری بوییچه کمیسیونینینگ اطلاعات و عامهنی آگاهلنتیریش مسئولی احمدالله متقیگه کوره، اوتگن ایکی کونده ۷۳ مینگدن آرتیق افغانستانلیک قاچقین اسلامقلعه چیگرهسیدن مملکت گه کیلگن.
فاریاب محلی مسئوللری، اوشبو ولایتنینگ قیصار و خانچهارباغ اولسواللیکلریده علیحده ایکّی ترافیکی حادثه عاقبتیده ۱۰ کیشی اولیب و یرهلنگنیدن خبر بیرهدیلر. فاریاب معلومات و مدنیت باشلیغی شمسالدین محمدی گه کوره، بیرینچی واقعه ۱۵-سرطان، یکشنبه کونی قیصار اولسواللیگی «ظهوریا» قیشلاغیده «ریکشا»نینگ قولشی طفیلی یوز بیریب و نتیجهده بیر کیشی هلاک بولیب و باشقه اوچ کیشی یرهلنگن.
