بدخشان ایکینچیلیک ریاستیده مسئوللرنینگ ایتیشلریچه، اوشبو ولایت ارگو تومنیده ایکی میلیون ۷۶۲ مینگ ۳۸۰ افغانی عوضیگه سووغاریش کانالی قوریلیب و فایدهلنیشگه تاپشیریلگن.
بدخشان ایکینچیلیک، سووغاریش و چاروهچیلیک ریاستی ییتکرمهلر مسئولی کیکاوس تکسارینینگ ایتیشیچه، مذکور لایحه بیرلشگن ملتلر تشکیلاتی بنگیوار مادهلر و جنایی جرملر گه قرشی کورهش ادارهسی (UNODC)، همکارلیگی بیلن «افغاناید» موسسهسی آرقهلی عملگه آشیریلگن.
تکساریگه کوره، ۱۹۲ متر اوزونلیگی بولگن بو کانال، قریب ایکی مینگ ۵۰۰ جریب ایکینچیلیک ییرنینگ منظم شکلده سووغاریش امکانیتیگه ایگه دیر.
دهقانلردن قطاری مذکور زراعتی کانالنینگ قوریلگنیدن خورسندلیک قیلیب و ایتیشلریچه، اوشبو کانالنینگ فایدهلنیشگه تاپشیریلیشی، قوروق ییرلرنینگ قیته تیکلنیشی، زراعتی محصوللر کوپهیشی و اولرنینگ اقتصادی وضعیتیگه یاردم بیریشی ممکن.
