اسلام امیرلیگی فواید عامه وزیرلیگی، اسد آییده تیمیر یوللری آرقهلی ۴۱۳ مینگ ۲۵۳ متریک تُن توار آلیش بیریش- بولگنیدن خبر بیرگن.
فواید عامه وزیرلیگی سۉزلاوچیسی محمداشرف حقشناس، بوگون (۴-سنبله، سهشنبه) ایکس صحیفهسیده بیر بیانیه ترقهتیب، اوشبو مقدار توار قویاش ۱۴۰۴-ییل، اسد آیی دوامیده تیمیر یوللری آرقهلی آلیش-بیریش بولگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بیانیه اساسیده، حیرتان بندری آرقهلی ۲۵۹ مینگ ۶۹۷ متریک تُن، آقینه بندری آرقهلی ۴۴ مینگ ۷۷۰ تُن، تورغندی بندری آرقهلی ۵۶ مینگ ۲۲۲ تُن و خواف-هرات بندری آرقهلی ۵۲ مینگ ۵۶۴ تُن توار، آلیش-بیریش بولگن.
اسد آییده افغانستان تیمیر یوللری آرقهلی صادر قیلینگن بیر مینگ ۳۱۶ تُن توارلرنینگ کوپ قسمینی قوریق میوه، قیمتبها تاشلر و انار سووی تشکیل بیرگنی ایتیلگن.
بیزلرنینگ «ایکس» ترماغی ده هم تعقیب قیلینگ!
بوندن آلدین، فواید عامه وزیرلیگی اوتگن بیر هفته ایچیده تیمیر یوللری آرقهلی ۸۰ مینگ ۲۵۲ متریک تُن توار آلیش بیریش- بولگنیدن خبر قیلگن ایدی.
